«ساپارىڭىز بارىسىندا ەلىمىزدىڭ پرەزيدەنتى قاسىم-جومارت كەمەل ۇلى توقاەۆتىڭ ءسىزدى قابىلداۋى جانە «ورتالىق ازيا – قىتاي» فورماتىندا سىرتقى ىستەر مينيسترلەرىنىڭ وتىرىسىنا قاتىسۋىڭىز جوسپارلانۋدا. COVID-19 ىندەتى دۇنيەجۇزىلىك دەڭگەيدە ءوزىنىڭ زاردابىن تيگىزگەنى راس. قازىرگى تاڭدا بۇل ىندەتتى ءوزارا سەرىكتەستىك پەن قولداۋدىڭ ارقاسىندا جەڭىپ كەلەمىز. سول جەڭىستىڭ ايقىن دالەلى رەتىندە 2022 جىلعى 1 ماۋسىمنان باستاپ قازاقستان مەن قىتاي اراسىنداعى تۇراقتى اۋە قاتىناسى قالپىنا كەلتىرىلگەنىن ريزاشىلىقپەن اتاپ وتەمىن. رەيستەردى «Air Astana» مەن «China Southern Airlines» كومپانيالارى ورىندايدى. تاراپتاردىڭ شەشىمىمەن رەيستەردىڭ جيىلىگى ازىرشە اپتاسىنا ەكى مارتە ىسكە اسىرىلادى دەپ ۇيعارىلدى», دەدى مۇحتار تىلەۋبەردى.
سونىمەن قاتار ول قازاقستان مەن قىتاي بىرىككەن ۇلتتار ۇيىمى, ازياداعى ءوزارا ىقپالداستىق جانە سەنىم شارالارى جونىندەگى كەڭەسى, شانحاي ىنتىماقتاستىق ۇيىمى جانە باسقا دا وڭىرلىك جانە حالىقارالىق ۇيىمدار اياسىندا تىعىز ىقپالداستىقتى ىسكە اسىرىپ كەلە جاتقانىن اتاپ ءوتتى.
«قىتاي تاراپىنا ازيا كەڭەسىن قۇرۋ باستاماسىن قولداۋى ءۇشىن, سونداي-اق ءىس-شارالارعا ءاردايىم بەلسەندى قاتىسۋىنا وراي العىسىمدى بىلدىرەمىن. وسى جىلدىڭ قازان ايىندا ازيا كەڭەسى قۇرىلۋىنىڭ 30 جىل تولۋىنا بايلانىستى ديالوگ الاڭىنىڭ 6-شى ءسامميتى وتكىزىلەدى. اتالعان ءىس-شاراعا قىتاي تاراپى ادەتتەگىدەي جوعارى دەڭگەيدە قاتىساتىنىنا سەنىمدىمىز. ەپيدەميولوگيالىق جاعدايدىڭ تۇراقتالۋىنان كەيىنگى جۋىق ارادا ەلدەرىمىز اراسىنداعى كوپ سالالى ىنتىماقتاستىعىمىز ودان ءارى ەسەلەي دامىپ, جاڭا ساتىلارعا جەتەرىنە سەنىم بىلدىرەمىن», دەدى مينيستر.
