«اۋا-رايىنىڭ قولايلى مەرزىمىن ۇتىمدى پايدالانىپ, ەگىس جۇمىستارىن ۋاقىتىلى جانە ساپالى جۇرگىزۋ – قامباداعى مول استىقپەن بىرگە, ەلدىڭ ازىق-ت ۇلىك قاۋىپسىزدىگىنىڭ دە كەپىلى. ۇكىمەت ناۋقاندىق جۇمىستاردى قارجىلاي, ماتەريالدىق جانە تەحنيكالىق تۇرعىدا قامتاماسىز ەتۋ بويىنشا بارلىق قاجەتتى شەشىمدەردى قابىلدادى. وزدەرىڭىز بىلەتىندەي, بۇرىن قالىپتاسقان تاسىمال باعىتتارىنىڭ بۇزىلۋى جانە الەمدىك ازىق-ت ۇلىك نارىعىندا باعانىڭ ءوسۋى تۇقىم مەن اگروحيميا ونىمدەرىنىڭ, قوسالقى بولشەكتەر مەن اۋىل شارۋاشىلىعى جابدىقتارىنىڭ قۇنىن قىمباتتاتىپ جىبەردى», دەگەن ۇكىمەت باسشىسى وسىنداي كۇردەلى كەزەڭدە فەرمەرلەردى قولداۋ ءۇشىن بيۋدجەتتىك كرەديتتىڭ جالپى سوماسى 140 ملرد تەڭگەگە كوتەرىلگەنىن ەسكە سالدى.
«بۇعان قوسا, اۋىل شارۋاشىلىعى ءونىمىن فورۆاردتىق ساتىپ الۋ ارقىلى قارجىلاندىرۋدى ەكى ەسە, ياعني, 80 ملرد تەڭگەگە دەيىن ۇلعايتتىق. جالپى اگروونەركاسىپ سالاسىنا بيۋدجەتتى ناقتىلاۋ كەزىندە قوسىمشا 298 ملرد تەڭگە قارجى ءبولىندى. ديزەل وتىنىنىڭ قاجەتتى كولەمى نارىقتىق باعادان 10-15%-كە تومەن باعامەن جەتكىزىلدى. وتاندىق وندىرۋشىلەرمەن كەلىسىمگە كەلىپ, مينەرالدىق تىڭايتقىشتاردىڭ باعاسى تومەندەتىلدى.
ايتا كەتۋ كەرەك, بيىل اگروونەركاسىپ كەشەنىن مەملەكەتتىك قولداۋ جۇيەسى وزگەرگەن جوق. وسىلايشا بيىلعى جىلى فەرمەرلەرگە مەملەكەتتىك قولداۋ كۇشەيتىلىپ, كورسەتىلىپ كەلەدى. وتكەن جىلى قۇرعاقشىلىق بولعانىنا قاراماستان, بيدايعا دەگەن ىشكى قاجەتتىلىكتى تولىعىمەن قامتاماسىز ەتتىك», دەدى ءاليحان سمايىلوۆ ۇكىمەت وتىرىسىندا.
ونىڭ مالىمەتى بويىنشا, بيىل جاڭا ءونىمدى جيناپ العانشا, ەلىمىزدە جەتكىلىكتى استىق قورى بار.
«بىرىككەن ۇلتتار ۇيىمىنىڭ ناۋرىزداعى بيۋللەتەنىنە سايكەس قازاقستاندا بيىل استىقتىڭ ءتۇسىمى ورتاشا جىلدىق كورسەتكىشتەن جوعارى بولۋى كەرەك. ورتا ەسەپپەن 18-19 ملن توننا استىق جينالسا, ىشكى قاجەتتىلىك شامامەن 8 ملن توننانى قۇرايدى. ءتىپتى قولايسىز اۋا-رايى مەن جينالاتىن ءونىمنىڭ بولجامى ناشار بولعان كۇننىڭ وزىندە قازاقستان ءوزىنىڭ ازىق-ت ۇلىك قاۋىپسىزدىگىن قامتاماسىز ەتە الادى», دەدى پرەمەر-مينيستر.
