كەشە ناتو بالتىق تەڭىزىندە اسكەري-تەڭىز وقۋ-جاتتىعۋلارىن باستادى. وقۋ-جاتتىعۋ جيىنى ەكى اپتاعا سوزىلادى. وعان 16 ەلدەن 7 مىڭنان استام تەڭىزشى, اۋە جانە تەڭىز جاياۋ اسكەرى, سونىڭ ىشىندە فينليانديا مەن شۆەتسيانىڭ ەكى ۇمىتكەر اسكەري وداق مۇشەلەرى قاتىسادى.
1972 جىلى باستاۋ العان جىل سايىنعى BALTOPS اسكەري-تەڭىز جاتتىعۋلارى قانداي دا ءبىر ناقتى قاۋىپ-قاتەرگە جاۋاپ رەتىندە وتكىزىلمەيدى. بىراق اسكەري اليانس: «شۆەتسيا مەن فينليانديانىڭ قاتىسۋىنىڭ ارقاسىندا ناتو اليانسقا قوسىلۋعا ۇمىتكەر ەكى سكانديناۆيا ەلىمەن بىرگە بىرىككەن كۇشىن ارتتىرۋ ءۇشىن مۇمكىندىكتى پايدالانىپ جاتىر», دەپ مالىمدەدى.
اقش-تىڭ جوعارى اسكەري شەنەۋنىگى 45 كەمە مەن 75 ۇشاق قاتىساتىن اسكەري-تەڭىز جاتتىعۋلارى الدىندا ناتو-نىڭ حەلسينكي مەن ستوكگولم ۇكىمەتتەرىنە قولداۋ كورسەتۋى ەرەكشە ماڭىزدى ەكەنىن ايتتى.
«امەريكا قۇراما شتاتتارى جانە ناتو-نىڭ باسقا ەلدەرى ءۇشىن بۇل جاتتىعۋدا فينليانديا جانە شۆەتسيامەن ىنتىماقتاسۋ ماڭىزدى», دەدى بىرىككەن شتاب توراعاسى.
ناتو-داعى جاقىن سەرىكتەستەر رەتىندە فينليانديا مەن شۆەتسيا 1990 جىلداردىڭ ورتاسىنان بەرى اسكەري-تەڭىز جاتتىعۋلارىنا قاتىسىپ كەلەدى.
17 ماۋسىمدا گەرمانيانىڭ كيل پورتىندا BALTOPS 22 جاتتىعۋلارىن اياقتاۋ جوسپارلانعان.
گۇلدانا ەلۋباي
