قالدىبەك يسمايلوۆ 1973 جىلى دۇنيەگە كەلگەن. ءۇش جوعارى ءبىلىمى بار: 1997 جىلى قاراعاندى مەملەكەتتىك مەديتسينا اكادەمياسىنىڭ ەمدەۋ فاكۋلتەتىن, ال 2014 جىلى الماتى ەكونوميكا جانە ستاتيستيكا اكادەمياسىن «مەنەدجمەنت» ماماندىعى بويىنشا ءتامامدادى جانە 2020 جىلى «دەنساۋلىق ساقتاۋ سالاسىنداعى مەنەدجمەنت» ماماندىعى بويىنشا MBA ماگيسترلىگىن ءبىتىردى.
ەڭبەك جولىن 1997 جىلى قاراعاندى قالاسىنداعى «فتيزياتريا» وب-نىڭ وكپە-حيرۋرگيالىق بولىمشەسىندە حيرۋرگ بولىپ باستاعان.
2012 جىلدان باستاپ جەزقازعان قالالىق تۋبەركۋلەزگە قارسى ديسپانسەرىنىڭ باس دارىگەرى بولدى. ودان كەيىن تەمىرتاۋ قالالىق تۋبەركۋلەزگە قارسى ديسپانسەرىنىڭ ديرەكتورى, قاراعاندى وبلىستىق تۋبەركۋلەزگە قارسى ديسپانسەرى ديرەكتورىنىڭ ورىنباسارى قىزمەتتەرىن اتقاردى.
2017 جىلدان 2018 جىلعا دەيىن الماتى قالاسىنداعى ۇلتتىق فتيزيوپۋلمونولوگيا عىلىمي ورتالىعىنىڭ ەمدەۋ جونىندەگى ۇيلەستىرۋشىسى, ديرەكتوردىڭ ورىنباسارى بولدى.
2018 جىلدىڭ قازان ايىنان باستاپ وسى ۋاقىتقا دەيىن قاراعاندى وبلىستىق فتيزيوپۋلمونولوگيا ورتالىعىن باسقاردى.
