«گاز سالاسى – مەملەكەتتىك بيۋدجەتتى تولىقتىرۋ كوزدەرىنىڭ ءبىرى. وسىعان وراي ەكونوميكا مەن الەۋمەتتىك سالادا ماڭىزدى ستراتەگيالىق ءمانى بار ەكەنى تۇسىنىكتى. قازىرگى ۋاقىتتا بۇكىل الەمدە ءتيىمدى ەنەرگەتيكالىق رەسۋرس جانە اسا قۇندى ەنەرگەتيكالىق شيكىزات رەتىندە تابيعي گازعا دەگەن قىزىعۋشىلىق ارتىپ وتىر», دەپ اتاپ ءوتتى دەپۋتات.
بالايىم كەسەباەۆا اتاپ وتكەندەي, نەعۇرلىم ەكولوگيالىق تازا وتىن رەتىندە دە تابيعي گاز ەلىمىزدىڭ وتىن ەنەرگەتيكالىق تەڭگەرىمىنىڭ قۇرىلىمىندا ۇستەمدىككە يە.
«بۇگىنگى ءىس-شارامىزدىڭ ماقساتى – گاز سالاسىنىڭ قازىرگى جاي-كۇيىن تالداۋ. ونىڭ ىشىندە وڭىرلەردى گازبەن قامتاماسىز ەتۋدەگى نەگىزگى پروبلەمالار مەن تاۋەكەلدەردى ايقىنداۋ. ولاردى شەشۋ جونىندەگى شارالار مەن ۇسىنىمدار دايىندالادى. قازىرگى ۋاقىتتا گاز سالاسىن دامىتۋدى جوسپارلاۋدىڭ جۇيەلى ءتاسىلىن قولدانۋ اسا وزەكتى بولىپ وتىر. بۇل تاۋەكەلدەردى ازايتىپ, باسەكەگە قابىلەتتىلىكتى ارتتىرۋعا مۇمكىندىك بەرەدى», دەيدى پارلامەنت ءماجىلىسى توراعاسىنىڭ ورىنباسارى ۇكىمەت ساعاتىندا.
ءماجىلىس دەپۋتاتى ۇكىمەت ەلدىڭ گاز سالاسىن ءتيىمدى دامىتۋدى قامتاماسىز ەتۋ جونىندە شۇعىل شارالار قابىلداۋ قاجەتتىلىگىن مالىمدەدى.
ارۋجان امانگەلدى
