دامۋدىڭ سىرى – بىرلىكتە, تابىستىڭ سىرى – تىرلىكتە
ن.ءا.نازارباەۆ: «دامۋدىڭ سىرى – بىرلىكتە, تابىستىڭ سىرى – تىرلىكتە» ەكەنىن بارشاڭىز بىلەسىزدەر. مۇراتقا جولىن تاپقان جەتەدى. ەڭبەگىمىزدىڭ جانباعى ءبىزدىڭ ورتاق ءۇيىمىزدى بەيبىتشىلىكتىڭ بەسىگى ەتىپ, باردى باعالاي بىلۋىمىزگە بايلانىستى. قازاقتى قاسيەتتى قاراشاڭىراققا بالاساق, ەلىمىزدەگى بارشا ەتنوستار – سول شاڭىراققا شانشىلعان ۋىقتار. قازاقستان حالقى اسسامبلەياسىنىڭ ءححى سەسسياسىندا سويلەگەن سوزىنەن.
مەنى ەلباسى نۇرسۇلتان نازارباەۆتىڭ ءار كەزەڭدەردە جاڭا مەملەكەت پەن ەگەمەن ەل ازاماتتارى الدىندا تۇرعان قاداۋ-قاداۋ مىندەتتەرگە قاتىستى ناقىل سوزگە بەرگىسىز قىسقا دا نۇسقا, ءدال دە ناقتى ايتقان سوزدەرى اركەز ءتانتى ەتەدى. كەشەگى وتكىزىلگەن اسسامبلەيا سەسسياسىندا دا ويلى وبرازعا بولەي وتىرىپ ايتقان ەلباسىنىڭ تەرەڭ تۇجىرىمعا تولى قاعيداتتارىن سۇيسىنە تىڭدادىم.
ايتالىق, بىرلىك «قازاقستان- 2050» ستراتەگياسىن جۇزەگە اسىرۋدىڭ شەشۋشى فاكتورى ەكەنىن كورسەتكەن ەلباسى بۇدان كەيىن: «ءبىزدىڭ ەكونوميكامىزدا ەشكىم ەتنوسىنا قاراپ بولىنبەيدى», دەپ ءتۇيىن ءتۇيدى. بۇل جۇرەكتەرگە بىردەن جول تابا الاتىن بەينەلى دە بەدەرلى ءسوز ەكەنىنە وتانداستارىمىزدىڭ ءبارى دە كەلىسەتىن شىعار. مەملەكەت باسشىسىنىڭ بۇل ويلى ءسوز تىركەسىن مەن سول ساتتە قويىن داپتەرىمە ءتۇرتىپ الدىم.
ءيا, قازىرگى كۇنى قازاقستاندىقتاردىڭ دەنى كوپ ەتنوستى ۇجىمداردا ەڭبەك ەتەدى. سولاردىڭ ءبىرى – ءبىزدىڭ «ايدانا» جشس. الايدا, وسىعان قاراماستان, ولاردىڭ قاي-قايسىسىنا دا ەتنوستىق جىكتەلۋشىلىك ءۇردىسى مۇلدەم جات. ءبىز مۇنى ۇجىمدىق جانە وندىرىستىك تاجىريبەمىزدەن كورىپ ءجۇرمىز. ەل ەكونوميكاسىنىڭ دامۋى جانە ءومىر ءسۇرۋ دەڭگەيى مەن ساپاسىنىڭ ارتۋى ءۇشىن ولاردىڭ ءبارى دە ورتاق جاۋاپكەرشىلىك ارقالايدى. بارلىق جەردەگىدەي ءبىزدىڭ ورال وڭىرىندە دە شاعىن جانە ورتا بيزنەستى وركەندەتۋ ىسىندە قول جەتكەن تابىستار از ەمەس. سونىڭ ءبارىبىر جاعادان باس, ءبىر جەڭنەن قول شىعارا بىلگەن اۋىزبىرشىلىك پەن ىنتىماقتاستىقتىڭ ناتيجەسى. ەڭ جاقسى دامىعان مەملەكەتتەردىڭ وتىزدىعىنا ەنۋ – بارشا قازاقستاندىقتاردىڭ ورتاق ماقساتى دەسەك, بۇعان دا جۇمعان جۇدىرىقتاي جۇمىلا كىرىسكەن ءىس كەرەك. ءبىزدىڭ وسىنداي بىرلىك پەن تىرلىك ۇلگىسىن كورسەتىپ جۇرگەنىمىز دە جاي ايتىلا سالاتىن ءسوز ەمەس.
قازاقستان ەكونوميكاسى – بولشەكتەلمەيتىن, بولىنبەيتىن ءبىرتۇتاس ەكونوميكا. ونىڭ دەڭگەيى دە وسىنداي سيپاتىنا وراي رەسپۋبليكا ازاماتتارى بىرلەسە, تىزە قوسىپ قيمىلداعان كەزدە عانا ودان ءارى تۇلعالانىپ, دامي تۇسەتىنىنە كۇمان جوق. سەسسيادا سويلەگەن سوزىندە, ەكونوميكا ەتنوسقا ءبولىنبەيدى دەپ تۇجىرىم جاساعان نۇرسۇلتان ءابىش ۇلىنىڭ ويلى دا وبرازدى ءسوزىنىڭ قادىر-قاسيەتى مەن قۇندىلىعى دا وسىندايدا ودان ءارى بيىكتەي بەرەدى دەپ ويلايمىن.
سونداي-اق, بارلىق قازاقستاندىقتار مەن رەسپۋبليكاداعى بارلىق ەتنوستار جالپىعا ورتاق ەڭبەك قوعامىن قالىپتاستىرۋ كەزىندە دە ءبىر تۇعىردان تابىلسا, بۇل قوعامنىڭ ءباسى سوعۇرلىم ارتا تۇسەدى. ءارى مۇنداي فاكتور ەلدەگى تۇراقتىلىق پەن كەلىسىمنىڭ ويداعىداي ىسكە اسۋىنىڭ دا باستى ءبىر كورىنىسى. وسىلايشا پرەزيدەنت بىرلىك پەن «قازاقستان-2050» ستراتەگياسىن ىسكە اسىرۋ ۇعىمدارىن ءبىر, ءوزارا تەڭ قاتارعا قويادى. سونىمەن بىرگە, ەلباسى وسى ۇندەستىكتى تەرەڭدەتكەن التىنشى تارماقتا بۇكىل قازاقستان ەڭبەك, جاۋاپكەرشىلىك جانە ءتارتىپ ارقىلى عانا دامي الادى دەپ وي ءتۇيدى.
ءبىراز جىلداردان بەرى ءوندىرىس, شاعىن جانە ورتا بيزنەس سالاسىندا قىزمەت اتقارىپ جۇرگەندىكتەن, وسى ماسەلەلەرگە قاتىستى مەملەكەت باسشىسىنىڭ سەسسيادا ايتقان سوزدەرى قانات بىتىرگەندەي كۇي كەشتىم. ءارى وسىنداي ءورشىل سەزىم كۇيى جەتەگىمەن كوكەيگە كەلگەن كەيبىر وي-پىكىرىمدى وتانىمىزدىڭ باس گازەتى وقىرماندارىمەن بولىسكەندى ءجون كوردىم.
اۆەتيك اميرحانيان,
ورال قالاسىنداعى «ايدانا» جشس-ءنىڭ ديرەكتورى,
ورال قالالىق ءماسليحاتىنىڭ دەپۋتاتى.
ورال.
