جاقىندا كەزەكتى 72 وتباسى قونىس تويىن تويلادى. ونىڭ 18-ءى كوپبالالى وتباسىلارعا ۇلەستىرىلسە, قالعانى جەتىم بالالارعا, الەۋمەتتىك وسال توپتىڭ مۇشەلەرىنە بەرىلدى.
باسپاناعا يە بولعان تۇرعىنداردىڭ ءبىرى – ءلايلا اشىربەكوۆا. ول 14 جاستاعى مۇمكىندىگى شەكتەۋلى قىزىن جالعىز ءوزى تاربيەلەپ وتىر. 14 جىل بويى پاتەر جالداپ كەلگەن.
«بۇعان دەيىن ۇزاق جىلدار بويى پاتەر جالداپ تۇردىم. باسپاناعا قول جەتكىزىپ وتىرعانىما قاتتى قۋانىشتىمىن. وسى ءساتتى اسىعا كۇتتىك. قيىن كۇندەردىڭ بارلىعى ارتتا قالدى دەپ ۇمىتتەنەمىن. مەملەكەت تاراپىنان زور قولداۋ كورسەتىلگەنىنە ريزامىن. مەن وتە باقىتتىمىن», دەيدى ءلايلا اشىربەكوۆا قۋانىشى قوينىنا سىيماي.
اتالعان ءۇي «نۇرلى جەر» مەملەكەتتىك باعدارلاماسى شەڭبەرىندە سالىنعان. جالپى, سوڭعى ەكى جارىم جىلدا اتالعان باعدارلاما بويىنشا 1 359 پاتەر ۇلەستىرىلدى. سونىڭ ەسەبىنەن 5 500-دەن استام ادام تىزىلگەن ءۇي كەزەگى 11 پايىزعا قىسقارعان.
پاۆلودار وبلىسى,
ەكىباستۇز قالاسى
