فوتو: اقتوبە وبلىسى اكىمدىگى
«SUNQAR» كەشەندەرى – پاترۋلدىك پوليتسيا قىزمەتكەرلەرىنسىز جۇمىس ىستەيدى جانە جي تەحنولوگيالارى نەگىزىندە جول قوزعالىسى ەرەجەلەرىنىڭ بۇزىلۋىن جوعارى دالدىكپەن انىقتايدى.
استانادا مەكتەپ وقۋشىلارىنىڭ قاۋىپسىزدىگىن جاساندى ينتەللەكت باقىلايدى
وبلىستىق پوليتسيا دەپارتامەنتىنىڭ مالىمەتىنشە, جۇيە كولىك قۇرالدارىن, مەملەكەتتىك تىركەۋ نومىرلەرىن جانە قۇقىق بۇزۋشىلىق تۇرلەرىن اۆتوماتتى تۇردە تانىپ, تىركەلگەن دەرەكتەردى بىردەن ەراپ اقپاراتتىق جۇيەسىنە جىبەرەدى. پوليتسيا دەپارتامەنتى ناقتىلاعانداي, جول قوزعالىسى ەرەجەلەرىنىڭ 5.42-تارماعىنا سايكەس «فوتو-بەينەفيكساتسيا» جول بەلگىسىن ورناتۋ مىندەتتى ەمەس.
تسيفرلى بەينەباقىلاۋ كامەرالارى العا قالاسىنىڭ اباي, ءا. جانگەلدين كوشەلەرى مەن ۆوكزالنىي تۇيىق كوشەسى قيىلىسىنا, قاندىاعاش قالاسىنىڭ تاۋەلسىزدىك داڭعىلى بويىندا, «فوسفوريت» گاراجدار كووپەراتيۆى جانىندا جانە ا. بايتۇرسىنوۆ, ت. بايقۇنوۆ كوشەلەرى قيىلىسىندا ورناتىلعان.
