تىركەلگەن 11,7 ميلليونعا جۋىق سايلاۋشى ورتالىق ازياداعى مەملەكەتتىڭ كونستيتۋتسياسىنا ەنگىزىلگەن وزگەرىستەر مەن تولىقتىرۋلاردى ماقۇلدايدى نەمەسە ماقۇلدامايدى. بۇل ەل تاريحىندا داۋىسقا سالىنعان ەكىنشى كونستيتۋتسيالىق رەفورما.
1995 جىلى 30 تامىزدا جالپىحالىقتىق داۋىس بەرۋ ارقىلى قابىلدانعان قازىرگى كونستيتۋتسيانىڭ ۇشتەن ءبىر بولىگى وزگەرتىلەدى. توقاەۆتىڭ 16 ناۋرىزداعى حالىققا جولداۋىندا ايتىلعان رەفورما ەلگە باسقارۋدىڭ جاڭا ۇلگىسىن ەنگىزۋدى جانە «جاڭا قازاقستان» نەمەسە «ەكىنشى رەسپۋبليكا» دەپ اتالاتىن جاڭا ءداۋىردى باستاۋدى كوزدەيدى.
قۇجاتقا سايكەس, جاڭا كونستيتۋتسيادا قازاقستانداعى جەر, تابيعي بايلىق حالىقتىڭ مەنشىگىندە ەكەنى انىق ايتىلادى. سونداي-اق رەفورمالار قۇقىق قورعاۋ ورگاندارى مەن قارۋلى كۇشتەردىڭ باسشىلارى مەن قىزمەتكەرلەرىنە ساياسي پارتيالارعا كىرۋگە تىيىم سالادى.
تاعى ءبىر ماڭىزدى وزگەرىس – كونستيتۋتسيالىق كەڭەستى رەفورمالاۋ. ياعني كونستيتۋتسيالىق سوت 2023 جىلدىڭ 1 قاڭتارىنان باستاپ جۇمىس ىستەي باستايدى. پارلامەنت قۇزىرەتى كەڭەيەدى. ال پرەزيدەنت اكىمدەردى تاعايىنداماس بۇرىن جەرگىلىكتى ءماسليحاتتىڭ ماقۇلداۋىن الۋى كەرەك. پارلامەنتكە پرەزيدەنت تاعايىندايتىن دەپۋتاتتاردىڭ سانى دا تۇزەتۋلەر بويىنشا 15-تەن 10-عا دەيىن قىسقارادى, ال زاڭ قابىلداۋ قۇقىعى تەك تومەنگى پالاتاعا بەرىلەدى.
