ادىلەتتىلىك بولسا دەگەن ارمان بار

ساياسي ناۋقانعا العاشقىلاردىڭ ءبىرى بولىپ بارىپ, تاڭمەن تالاسا داۋىس بەردىم. بولاشاق ۇرپاقتىڭ جارقىن كەلە­شەگى ءۇشىن ءوز تاڭداۋىمدى جاسادىم.

ونەر ادامدارىنىڭ بارلىعى دا ساياسي ناۋقاننان تىس قالماعانىنا سەنىم­­دىمىن. كونستيتۋتسيانىڭ 33 بابىنا ەن­گىزىلەتىن وزگەرىستەردىڭ بارلىعىن تولىق­­تاي قولدايمىن. مەملەكەت باسشىسى قاسىم-جومارت توقاەۆتىڭ سۋپەر­پرە­زيدەنتتىك باسقارۋدان باس تارتىپ, ىقپالدى پارلامەنت قۇرۋعا دەگەن نيەتى كوڭىل قۋانتادى. قازاقستان پرەزيدەنتى جاڭا قازاق­ستان يدەياسىن ۇسىنعانى ءمالىم. سونىڭ نەگى­زىندە ادىلەتتى قوعام قۇرۋ جولىندا جان­كەشتى جۇمىستار اتقارىلىپ جات­قا­نىنا ەشكىمنىڭ كۇمانى جوق. بارشا­مىز­دىڭ كوكەيىمىزدە ادىلەتتىلىك بولسا دە­گەن ارمان تۇردى. ەندى سول ارمانىمىز اقي­قاتقا اينالاتىن كەز كەلدى. سول ءۇشىن دە مەن بىلەتىن ونەر ادامدارىنىڭ بار­لىعى ءوز تاڭداۋلارىن جاسادى. ولار جاڭا تۇر­پاتتاعى قازاقستاننىڭ جارقىن قادام­دارىن كورگىسى كەلەدى. ءبىزدىڭ دە وي سولار­دىڭ پىكىرىمەن ءبىر ارناعا توعىسىپ تۇر. بيلىك­تىڭ زاڭدى پارلامەنت ارقىلى قا­بىل­داماي, حالىقپەن اقىلداسقانى كوڭىل­گە قوندى. جاڭا بيىكتەرگە ۇمتىلعان ادى­لەتتى قوعامىمىزدىڭ كەلەشەگى كەمەل بولسىن!

تىلەكتەس مەيراموۆ,

قازاقستاننىڭ حالىق ءارتىسى