«ورتالىق رەفەرەندۋم كوميسسسياسى استانا ۋاقىتىمەن ساعات 22.00-دە ەلىمىزدىڭ بارلىق وڭىرىندە جانە 25 شەتەلدىك ۋچاسكەدە داۋىس بەرۋ اياقتالعانىن حابارلايدى. قازاقستان رەسپۋبليكاسىنىڭ شەت مەملەكەتتەردەگى وكىلدىكتەرىنىڭ جانىنداعى 40 ۋچاسكەدە داۋىس بەرۋ ءالى دە جالعاسىپ جاتىر. وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ اۋماقتىق كوميسسيالارى ۇسىنعان الدىن الا دەرەكتەرى بويىنشا ازاماتتاردىڭ رەفەرەندۋمعا قاتىسۋ ستاتيستيكاسى مىناداي بولدى: اقمولا وبلىسى – 73,81, اقتوبە وبلىسى – 58,06, الماتى وبلىسى – 72,83, اتىراۋ وبلىسى – 67,68, باتىس قازاقستان وبلىسى – 69,37, جامبىل وبلىسى – 69,59, قاراعاندى وبلىسى – 77,39, قوستاناي وبلىسى – 72,28, قىزىلوردا وبلىسى – 79,89, ماڭعىستاۋ وبلىسى – 61,19, پاۆلودار وبلىسى – 75,53, سولتۇستىك قازاقستان وبلىسى – 75,49, تۇركىستان وبلىسى – 80,66, شىعىس قازاقستان وبلىسى – 77,49, نۇر-سۇلتان قالاسى – 57,06, الماتى قالاسى – 33,30, شىمكەنت قالاسى – 72,53 پايىز», دەدى مۇحتار ەرمان.
ونىڭ ايتۋىنشا, ەلىمىز بويىنشا رەفەرەندۋمعا قاتىسۋ مۇمكىندىگى جانە قۇقىعى بار ازاماتتاردىڭ تىزىمىنە 11 734 6429 ادام ەنگىزىلدى. 8 030 739 ازامات بيۋللەتەن الدى. بۇل داۋىس بەرۋگە ارنالعان تىزىمگە ەنگىزىلگەن ازاماتتاردىڭ 68,44 پايىزىن قۇرايدى
«رەفەرەندۋم كوميسسيالارى داۋىستاردى ساناۋعا كىرىستى. ەرتەڭ اۋماقتىق كوميسسيالار حاتتامالارىنىڭ ەلەكتروندى تۇردە ءتۇسۋىن كۇتەمىز. داۋىس بەرۋدىڭ الدىن الا قورىتىندىلارى بريفينگتە ۇسىنىلادى. ونىڭ ۋاقىتى قوسىمشا جاريالانادى», دەدى ورتالىق رەفەرەندۋم كوميسسياسىنىڭ حاتشىسى.
