«ورتالىق رەفەرەندۋم كوميسسسياسى ساعات 20.00-دەگى جاعداي بويىنشا ەلىمىزدىڭ 12 وڭىرىندە جانە 12 شەتەلدىك ۋچاسكەدە داۋىس بەرۋ اياقتالعانىن حابارلايدى.
وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ اۋماقتىق كوميسسيالارى ۇسىنعان شۇعىل دەرەكتەرى بويىنشا ازاماتتاردىڭ رەفەرەندۋمعا قاتىسۋى تۋرالى مىناداي ستاتيستيكا بار: اقمولا وبلىسى – 73,81, اقتوبە وبلىسى – 55,90, الماتى وبلىسى – 72,83, اتىراۋ وبلىسى – 62,45, باتىس قازاقستان وبلىسى – 65,49, جامبىل وبلىسى – 69,59, قاراعاندى وبلىسى – 77,39, قوستاناي وبلىسى – 72,28, قىزىلوردا وبلىسى – 75,02, ماڭعىستاۋ وبلىسى - 59,14, پاۆلودار وبلىسى – 75,53, سولتۇستىك قازاقستان وبلىسى – 75,49, تۇركىستان وبلىسى – 80,66, شىعىس قازاقستان وبلىسى – 77,49, نۇر-سۇلتان قالاسى – 57,06, الماتى قالاسى – 32,25, شىمكەنت قالاسى – 72,53 پايىز. جالپى, ەلىمىز بويىنشا رەفەرەندۋمعا قاتىسۋ مۇمكىندىگى جانە قۇقىعى بار ازاماتتاردىڭ تىزىمىنە 11 732 699 ادام ەنگىزىلگەن بولاتىن. 7 936 655 ازامات بيۋللەتەن الدى. بۇل - داۋىس بەرۋ تىزىمىنە ەنگىزىلگەن ازاماتتاردىڭ 67,65 پايىزى», دەدى مۇحتار ەرمان.
ونىڭ اتاپ وتۋىنشە, ازاماتتاردىڭ داۋىس بەرۋگە كەلۋىنە قاتىستى الدىن الا قورىتىندى اقپارات اقتوبە, اتىراۋ, باتىس قازاقستان, ماڭعىستاۋ جانە قىزىلوردا وبلىستارىمەن بىرگە ساعات 22.00-دە بەرىلەدى.
