«بۇگىن تاڭەرتەڭ ءبىز باقىلاۋ جۇمىسىن باستادىق جانە 5 توپقا ءبولىنىپ, 26 رەفەرەندۋم ۋچاسكەسىنە باردىق. سايلاۋشىلارمەن جانە باقىلاۋشىلارمەن سويلەستىك. رەفەرەندۋمنىڭ دايىندىق جۇمىستارى وتە جاقسى ۇيىمداستىرىلعان. داۋىس بەرۋ پروتسەسى دە ءبىر جۇيەگە كەلتىرىلگەن. سايلاۋشىلارمەن سۇحباتتاسۋ بارىسىندا ولاردىڭ رەفەرەندۋمعا دەگەن قۇلشىنىسى مەن قىزىعۋشىلىعى ءبىزدى تاڭ قالدىردى. تۇرعىندار كوپتەپ كەلدى دەپ ايتا الامىز. زاڭنامانى بۇزۋ بويىنشا ەشقانداي وقيعا تىركەلگەن جوق جانە ەشقانداي شاعىم نەمەسە ءوتىنىش كەلىپ تۇسكەن جوق», دەدى شانحاي ىنتىماقتاستىق ۇيىمىنىڭ باس حاتشىسى چجان مين نۇر-سۇلتاندا وتكەن ءباسپاسوز ءماسليحاتىندا.
سپيكەردىڭ ايتۋىنشا, رەفەرەندۋمعا دەيىن شىۇ بايقاۋشىلارى قازاقستاننىڭ ورتالىق رەفەرەندۋم كوميسسياسىنىڭ باسشىلارىمەن كەزدەسىپ, جان-جاقتى پىكىر الماسىپ, دايىندىق جانە ۇيىمداستىرۋ جۇمىسىنىڭ بارىسىمەن تانىسقان.
«قازىر رەفەرەندۋمدا داۋىس بەرۋ پروتسەسى ءجۇرىپ جاتىر, ءبىزدىڭ ميسسيا مۇشەلەرى ءوز مىندەتتەرىن اتقارۋدا. ءبىز ءوز ميسسيامىزدى جاۋاپتى تۇردە ورىندايمىز جانە جاڭا قازاقستان مەن ونىڭ حالقىنىڭ يگى بولاشاعىنا قولىمىزدان كەلگەنشە ۇلەس قوسامىز», دەدى شىۇ باس حاتشىسى.
