«اتا زاڭعا ەنگىزىلەتىن وزگەرىستىڭ ءبىرى تەك كونستيتۋتسيالىق سوتتىڭ قۇرىلۋىنا عانا بايلانىستى ەمەس. سونىمەن قوسا ادام قۇقىقتارىن قورعاۋداعى تەتىكتى نىعايتۋ كوزدەلەدى. ايتالىق, ءولىم جازاسىن الىپ تاستاۋ, سول سەكىلدى ادام قۇقىقتارى جونىندەگى ۋاكىلدىڭ مانداتىنا بايلانىستى.
ادام قۇقىقتارى جونىندەگى ۋاكىل تۋرالى وزگەرىستەرگە توقتالساق, ەڭ اۋەلى ول قۇقىعى بۇزىلعان ازاماتتاردىڭ حاقى مەن بوستاندىعىن قالپىنا كەلتىرۋگە ىقپال ەتۋى ءتيىس. مۇنداي مىندەتتەردى ورىنداۋ كەزىندە ادام قۇقىقتارى جونىندەگى ۋاكىل مەملەكەتتىك نەمەسە باسقا ورگاندارعا تاۋەلدى بولماۋى كەرەك ەكەنى بەلگىلى. وسىعان بايلانىستى «ادام قۇقىقتارى جونىندەگى ۋاكىل تۋرالى» كونستيتۋتسيالىق زاڭ قابىلدانادى جانە اۋىر قىلمىس جاسالعان جاعدايدا نەمەسە كەز كەلگەن قىلمىسپەن بايلانىستى باسقا دا ماسەلەلەرگە بايلانىستى قىلمىستىق ءىس جۇرگىزۋ شارالارىن قولدانۋ ءۇشىن سەناتتىڭ عانا كەلىسىمى جەتكىلىكتى بولماق. بۇل ومبۋدسمەننىڭ ەركىندىگىن قامتاماسىز ەتەدى», دەدى قازاقستانداعى ادام قۇقىقتارى جونىندەگى ۋاكىلى ەلۆيرا ءازىموۆا.
