ايى-كۇنى تاياۋ گالينا بيتليان سۋعا باتىپ بارا جاتقان بالانى قۇتقاردى

اقسۋ قالاسى اۋماعىنا قاراستى ەۆگەنەۆكا اۋىلىنىڭ 22 جاستاعى تۇرعىنى گالينا بيتلياننىڭ ايتۋىنشا, ولار كۇندەلىكتى ادەتتەرىمەن كىش­كەنتاي ۇلى ەكەۋى وزەن جاعا­سىندا سەرۋەندەپ ءجۇرىپتى. سول ساتتە ۇلكەندەردىڭ قارا­ۋىنسىز ويناپ جۇرگەن ەكى بالانى بايقاپ قالادى. ءبىراز ۋاقىتتان كەيىن جاعالاۋدا قالعان ءبىر بالانى كورەدى. ەكىنشى بالا مۇز ۇستىندە سەكىرىپ ويناماق بولىپ تۇرعاندا, كەنەتتەن سۋ استىنا ءتۇسىپ كەتكەنىن كورەدى. جۇقا مۇزدىڭ جارىلىپ كەتكەنى انىق. ەكى بالانىڭ دا قاتتى شوشىعاندارىنان ءتىپتى ايقايلاۋعا داۋىستارى شىقپايدى. ال, گالينانىڭ ءسابيىن دۇنيەگە اكەلۋىنە ءبىر-اق اپتا ۋاقىت قالعان-دى. ويلانىپ تۇرۋعا ۋاقىت جوق. گالينا مۇزداي سۋىق سۋعا ءتۇسىپ, بالانى جاعاعا قاراي سۇيرەپ الىپ شىعادى. سول ەكى ارادا كومەككە جاعالاۋدا جۇرگەندەر دە جۇگىرە جەتەدى. قۇتقارۋشىلاردى, جەدەل جاردەمدى شاقىرادى. جەدەل جاردەم 8 جاسار ماك­سيم­دى دە, اياعى اۋىر گالينانى دا اۋرۋحاناعا شۇعىل تۇردە الىپ كەتەدى. جۋىردا وبلىس­تىق ءتو­تەنشە جاعدايلار دەپار­­تا­مەنتى گالينا بيتليان­دى قاي­سارلىق پەن ەرلىك كور­سەتكەنى ءۇشىن «ەرلىگى ءۇشىن» مە­دا­لىنە ۇسى­نىلعانىن حابارلادى. فاريدا بىقاي, «ەگەمەن قازاقستان». پاۆلودار وبلىسى.