ورتالىق ءوزىن اقتادى ما؟

ءسىز نە دەيسىز؟ بيىلعى جىل دەنساۋلىق ساق­تاۋ سالاسىن رەفورمالاۋداعى سونى قاداممەن باستالدى. ءبىرىڭ­عاي ۇلتتىق جۇيەنى قولدانىسقا ەنگىزۋ اياسىندا رەسپۋبليكالىق دەڭگەيدەگى مەديتسينالىق اقپا­رات­تىق-تالداۋ ورتالىقتارى قۇرىلعانى بەلگىلى. قازىر “ورتا­لىق­تىڭ اياق الىسى قالاي؟”, “جاۋاپتى مىندەتتى جۇزەگە اسىرۋدا قانداي ارەكەتتەر جاساپ جاتىرسىزدار؟”, “حالىقتىڭ كوزقاراسى, سەنىمى قالىپتاستى ما؟” دەگەن سۇراقتارعا جاۋاپ ءىز­دەي­تىن ۋاقىت جەتتى دەپ بىلەمىز. ەندەشە, “ەگەمەن قازاقستاننىڭ” اقمولا وبلىسىنداعى ءتىلشىسى باقبەرگەن امالبەك ورتالىقتىڭ وبلىستىق فيليالىنىڭ ديرەكتورى مارس تولەباەۆقا: – ءسىز بۇعان نە دەيسىز؟ – جاۋاپتى وبلىس تۇرعىن­دارى­نىڭ ءوزى ايتقانى ءجون. ءايت­كەنمەن, ۇجىمىمىز سالالىق اق­پا­راتتاردى توپتاستىرۋمەن قا­تار, جەرلەستەرىمىزدىڭ وي-پىكىر­لەرىن دە جيناقتايتىندىقتان, ويعا تۇيگەن ماسەلەلەردى ورتاعا سالعاننىڭ ارتىقتىعى جوق دەپ بىلەمىن. اقمولا وبلىستىق في­ليالىنىڭ (اوف) اۋرۋحاناعا جاتقىزۋ بيۋ­روسى 11 قاڭتاردا قۇرىلعانىمەن, جالپى شتاتتىق كەستە 1 ساۋىردەن باستاپ كەڭەي­تىلدى. سوندىقتان, قولىندا كۇتۋ پاراقشاسى بار ناۋقاستاردىڭ سانى 200-دەن اسىپ كەتتى. قازىر 50-60 ادامنان اسپايدى. بۇل – وسىنداعى جيىرما ادامنىڭ جۇمىسقا جاۋاپكەرشى­لىكپەن قارايتىنىنىڭ جەمىسى. ولاي دەيتىنىم, وبلىستا 31 اۋ­رۋحانا, 19 ەمحانا, 159 ءدارى­گەر­لىك امبۋلاتوريا, 422 مەديتسينا­لىق پۋنكت بار. اتالعان مەكەمە­لەر­دەن ءارتۇرلى باعىتتاعى اقپا­رات­تار كۇن سايىن جينالادى. جي­نالىپ, تالدانىپ, سۇرىپتا­لىپ قانا قويماي, ول جەدەل قول­دانىسقا ەنگىزىلۋى كەرەك. ءبىرىنشى توقساندا اۋرۋحاناعا جاتقىزۋ بيۋروسىنا 5600 ناۋقاستان ءوتىنىم تۇسسە, 4640 ادام بىزدەگى ۇسىنىم دەرەكتەرى بويىنشا ستاتسيونار­لار­عا جاتقى­زىلدى. مۇنداعى اۋىل ادامدارى­نىڭ ۇلەسى, تسيفر­لارعا شاقساق, سايكەسىنشە 2230 جانە 2163 بول­دى. بۇنىڭ ۇستىنە, رەسپۋبليكالىق عىلىمي ورتا­لىق­تارعا تىلەك بىلدىرگەن 311 كىسى­گە قۇجاتتار تولتىرىلدى. ءدال قا­زىر 798 ادام كۇتۋ قاعازىمەن كەزەكتە تۇر. بۇل ساندار ءبىر قاراعاندا كوپ بولىپ كورىنگەنىمەن, 750 مىڭ تۇرعىنى بار وبلىس ءۇشىن ءتاۋىر كور­سەتكىش سانايمىز. ودان دا ازاي­تۋعا بولۋشى ەدى. نەگە دەسە­ڭىز, كورشى پەتروپاۆل قالاسىندا ءۇش اۋرۋحانا بار. كوكشەتاۋدىڭ جالعىز قالالىق اۋرۋحاناسى بار. ونىڭ ۇستىنە نەيروحيرۋرگيا, كارديوحيرۋرگيا, قان تامىرلارى, جاراقات, جۇيكە, گاستروەنتەرو­لو­گيا جانە ەندوكرينولوگيا ءبولىم­شەلەرىنىڭ توسەك ورىندارى تىم از. ال, كەيبىر سالالىق باعىتتار­دىڭ مۇلدەم جوقتىعى كۆوتا كە­زەگىن ءوسىرىپ جىبەرۋدە. تاعى ءبىر ماسەلە, تۇسىنىك جۇ­مىستارىنىڭ ءالى دە السىزدىگىندە. ناۋ­قاستار ورتالىقتىڭ تابالدى­رى­­عىن توزدىرىپ, كۆوتا نەمەسە ار­نايى كود سۇراپ ۋاقىت وتكىزەدى. دارىگەرلەر ارتىق ايتىس-تارتىس­تان قاشىپ, كەيدە بىزگە سىلتەپ ءجى­بەرەدى. سوندىقتان, ناسيحات­تىق ور­تالىققا دا اينالىپ كەتە­تىنىمىز بار. ءوزى اۋىرىپ جۇرگەن ادام ءجۇي­­كەسىن توزدىرماي-اق, كەز كەل­گەن كومپيۋ­تەر ارقىلى ارنايى ساي­تىمىزعا, ەلەكتروندى ادرەسى­مىزگە حابارلاسسا, تولىق اقپاراتقا يە بولادى. ونىڭ ءۇستى­نە, ەمدى ءمىن­دەتتى تۇردە اۋرۋحانا توسەگىندە قا­بىلداۋ قاجەت دەگەن تالاپ دۇرىس ەمەس. اۋرۋحاناعا جوس­پارلى جات­قىزۋ كورسەتىمدە­رىنە تالداۋ جا­ساعانىمىزدا, ناۋ­قاستاردىڭ كەم دەگەندە 25 پايى­زىن كۇندىزگى ستا­تسيو­ناردا نەمەسە ءۇي جاعدايىن­دا ەمدەۋگە بولاتىن­دىعى انىقتال­دى. بۇل قارجى ۇنەمدەۋدى بىلاي قوي­عان­دا, ناۋقاس پەن دارىگەر ءۇشىن دە قولايلى. ارينە, ءبىز ەشكىمگە دە “ولاي ىستەمە, بىلاي ىستە” دەپ ايتا المايمىز. اقمولا وبلىسى.