فوتو: عىلىم جانە جوعارى ءبىلىم مينيسترلىگى
جوبا AI-Sana ۇلتتىق باعدارلاماسى شەڭبەرىندە اتالعان ۋنيۆەرسيتەتتىڭ تسيفرلىق تەحنولوگيالار جانە جاساندى ينتەللەكت ءبولىمى ماماندارىنىڭ ينكليۋزيۆتى ءبىلىم بەرۋ جانە پسيحولوگيالىق قولداۋ ورتالىعىمەن بىرلەسكەن جۇمىسى ناتيجەسىندە جۇزەگە اسىرىلدى. بۇل باستاما ۋنيۆەرسيتەتتىڭ ءبىلىم بەرۋ ۇدەرىسىنە زاماناۋي تسيفرلىق شەشىمدەردى ەنگىزۋگە باعىتتالعان ستراتەگيالىق باعىتىن كورسەتەدى.
جوبانى پيلوتتىق ەنگىزۋ س.ماۋلەنوۆ اتىنداعى گيمنازياسىنان باستالدى. اتالعان ءبىلىم ورداسىنىڭ جوعارى سىنىپ وقۋشىلارى جاساندى ينتەللەكت كومەگىمەن كاسىپتىك باعدارلاۋ تەستىلەۋىنەن العاشقىلاردىڭ ءبىرى بولىپ ءوتتى.
ەلىمىزدە ەندى وقۋشىلاردى جاساندى ينتەللەكت رەپەتيتورلارى وقىتادى
تسيفرلىق تەحنولوگيالار جانە جاساندى ينتەللەكت ءبولىمىنىڭ باسشىسى قالىبەك ماۋلەنوۆ جوبانىڭ يدەياسى مەكتەپ وقۋشىلارىنىڭ ناقتى قاجەتتىلىكتەرىنەن تۋىنداعانىن اتاپ ءوتتى.
«تاجىريبە كورسەتكەندەي, 25 وقۋشىنىڭ تەك بەس-التاۋى عانا بولاشاق ماماندىعىن ناقتى ايقىنداعان. قالعاندارى ىزدەنىس ۇستىندە. وسىعان بايلانىستى ءبىز جاساندى ينتەللەكتىنىڭ مۇمكىندىكتەرىن پايدالانا وتىرىپ, وقۋشىلارعا ماماندىق تاڭداۋ ۇدەرىسىنە سانالى تۇردە قاراۋعا كومەكتەسۋدى ماقسات ەتتىك», دەدى ول.
جۇيە بۇرىن جەكە قولدانىلىپ كەلگەن 5 پسيحولوگيالىق جانە كاسىپتىك باعدارلاۋ ادىستەمەسىنە نەگىزدەلگەن. بارلىق ادىستەمەلەر تسيفرلىق فورماتقا بەيىمدەلىپ, ءبىرتۇتاس زياتكەرلىك تالداۋ مودەلىنە بىرىكتىرىلگەن. جوبانىڭ نەگىزگى ارتىقشىلىقتارىنىڭ ءبىرى – ناتيجەنى جەدەل ۇسىنۋ مۇمكىندىگى. 500-دەن استام ينتەرپرەتاتسيا نۇسقاسىن قامتيتىن كىرىكتىرىلگەن دەرەكتەر بازاسىنىڭ ارقاسىندا جاساندى ينتەللەكت قىسقا ۋاقىت ىشىندە قورىتىندى قالىپتاستىرادى.
قوسىمشا ادىستەمەلەر پايدالانۋشىنىڭ مىقتى جاقتارىن, قابىلەتتەرىن جانە الەۋەتتى دامۋ باعىتتارىن انىقتاۋعا مۇمكىندىك بەرەدى. ناتيجەسىندە وقۋشى تەك ۇسىنىلاتىن ماماندىقتار ءتىزىمىن عانا ەمەس, جەكە ەرەكشەلىكتەرىن قامتيتىن كەڭەيتىلگەن كاسىپتىك باعدارلاۋ پورترەتىن الادى.
استانادا مەكتەپ وقۋشىلارىنىڭ قاۋىپسىزدىگىن جاساندى ينتەللەكت باقىلايدى
اتالعان ۋنيۆەرسيتەتتىڭ اكادەميالىق ماسەلەلەر جونىندەگى پرورەكتورى ەلميرا ناۋرىزباەۆا جوبانىڭ باستى ماقساتى – تۇتاس ءارى تۇسىنىكتى كاسىپتىك باعدارلاۋ جۇيەسىن قالىپتاستىرۋ ەكەنىن اتاپ ءوتتى.
«ساپالى ادىستەمەلەر جەتكىلىكتى بولعانىمەن, ولار كوبىنە جەكە-جەكە جانە اقىلى نەگىزدە قولدانىلادى. ءبىز ولاردى ءبىر تسيفرلىق پلاتفورمادا بىرىكتىرىپ, جاساندى ينتەللەكت كومەگىمەن كەشەندى كاسىپتىك باعدارلاۋدى قولجەتىمدى ەتتىك», دەدى پرورەكتور.
بۇل رەتتە جاساندى ينتەللەكت پسيحولوگ نەمەسە مۇعالىمنىڭ ورنىن الماستىرمايدى, كەرىسىنشە ولاردىڭ جۇمىسىن تولىقتىرىپ, ۋاقىتتى ۇنەمدەۋگە جانە وبەكتيۆتى تالدانعان اقپارات ۇسىنۋعا مۇمكىندىك بەرەدى.
پيلوتتىق جوباعا قاتىسقان مەكتەپ وقۋشىلارى جاڭا قۇرالدىڭ پراكتيكالىق تيىمدىلىگىن جوعارى باعالادى. جي-اگەنت Telegram پلاتفورماسىندا قازاق جانە ورىس تىلدەرىندە قولجەتىمدى: @UniCareerKzBot, @UniCareerBot.
