جوبا قازاقستاننىڭ گاز تاسىمالداۋ ينفراقۇرىلىمىن كەڭەيتۋ مەن جاڭعىرتۋعا مۇمكىندىك بەرەدى. «گازپروم» جانە ەسىل − استانا ماگيسترالدىق گاز قۇبىرى اراسىنداعى مەموراندۋمعا سايكەس قۇبىر 2030 جىلدىڭ 1 قاڭتارىندا ىسكە قوسىلادى.
ەلشىنىڭ ايتۋىنشا, قازاقستاندا بالقاش كولى جاعاسىندا العاشقى اتوم ەلەكتر ستانتسياسىنىڭ قۇرىلىسى باستالعان. جوبانى ىسكە اسىرۋ بويىنشا جۇمىستار قازىردىڭ وزىندە ءجۇرىپ جاتىر.
سونداي-اق, 2025 جىلى قازاقستان مەن رەسەي اراسىنداعى تاۋار اينالىمى 24,1 ملرد اقش دوللارىنا جەتكەن.
«وتكەن جىلى ەكى ەل جالپى قۇنى 616 ملن دوللار بولاتىن 14 بىرلەسكەن ونەركاسىپتىك جوبانى ىسكە قوستى, ال ىنتىماقتاستىق پورتفەلى شامامەن 57 ملرد دوللاردى قۇرايتىن 175 جوبانى قامتىپ وتىر. بۇدان بولەك, ماسكەۋ قالاسىندا قازاق اقپاراتتىق-مادەني ورتالىعىن اشۋعا دايىندىق جۇمىستارى جالعاسىپ جاتىر», دەپ اتاپ ءوتتى ەلشى.
ۇكىمەتتە رەسەي مەن قازاقستان اراسىنداعى ىنتىماقتاستىق ماسەلەلەرى تالقىلاندى
