جيىندا ءماجىلىس دەپۋتاتى, جسدپ توراعاسى اسحات راقىمجانوۆ ۇسىنىلىپ وتىرعان وزگەرىستەردى ەلدىڭ دامۋى مەن قالىپتاسۋىنا باعىتتالعان جاڭا باعدار دەپ اتادى. پارتيا جەتەكشىسىنىڭ ايتۋىنشا, ەلىمىزدەگى رەفورمالاردى الەمدىك دەڭگەيدەگى «سوتسياليستىك ينتەرناتسيونال» حالىقارالىق ساياسي ۇيىمى تولىق قولداپ وتىر. ايتا كەتەيىك, جسدپ – قازاقستاننان بۇل بەدەلدى ۇيىمعا مۇشە جالعىز پارتيا.
زاڭگەر ايمان ۋماروۆا جاڭا كونستيتۋتسيانىڭ پرەامبۋلاسىن جوعارى باعالادى
جيىنعا قاتىسۋشىلار كونستيتۋتسيا جوباسىنىڭ قوعامدىق-ساياسي ماڭىزىن عانا ەمەس, ونىڭ كۇندەلىكتى ومىرگە اسەرىن دە تالقىلادى:
- الەۋمەتتىك سالا مەن ەڭبەك قاتىناستارىنا ەنگىزىلەتىن جاڭاشىلدىقتار;
- مەملەكەتتىك باسقارۋ جۇيەسىنىڭ تيىمدىلىگى;
- وڭىرلەردەگى حالىقتىڭ ناقتى سۇرانىستارىن ەسكەرۋ.
«اق جول» دەموكراتيالىق پارتياسى ۇلتتىق كەڭەسىنىڭ پلەنۋمى جاڭا كونستيتۋتسيا جوباسىن قولدادى
پارتيا وكىلدەرى رەفورمانىڭ ءمانىن حالىققا «كەڭسە تىلىمەن» ەمەس, قاراپايىم ءارى جۇيەلى تۇردە جەتكىزۋ قاجەتتىگىن باسا ايتتى. سونداي-اق زاماتتاردىڭ اتا زاڭ جوباسىنا بەي-جاي قاراماۋى كەرەكتىگىن ايتىپ, وڭىرلىك ەرەكشەلىكتەر مەن حالىقتىڭ ناقتى سۇرانىستارىن ەسكەرە وتىرىپ, الداعى ۋاقىتتا ازاماتتاردىڭ تالاپ-تىلەكتەرىن زاڭ اياسىندا جۇيەلەۋ قاجەتتىگى دە ءسوز بولدى.
قحپ ايماقتاردا جاڭا كونستيتۋتسيا جوباسىن تالقىلاۋدى جانداندىردى
بۇل رەتتە جسدپ حالىقتان تۇسەتىن ەشبىر ءوتىنىش نازاردان تىس قالمايتىنىن جەتكىزدى. جاڭادان قۇرىلاتىن «حالىق كەڭەسى» مەن قۇرىلتايدىڭ جۇمىسى تىكەلەي پرەزيدەنتتىڭ «حالىق ۇنىنە قۇلاق اساتىن مەملەكەت» قاعيداسىمەن ۇندەس ەكەنى اتاپ ءوتىلدى.
كەزدەسۋ قورىتىندىسى بويىنشا جسدپ-نىڭ باستاۋىش پارتيا ۇيىمدارى وڭىرلەردەگى پىكىرتالاس جۇمىستارىن بەلسەندى جالعاستىرۋعا دايىن ەكەنىن راستادى.
