فوتو: كريشتيانۋ رونالدۋ / Maxppp
بۇعان دەيىن رونالدۋ ء«ال-ريادقا» قارسى وتكەن چەمپيونات ويىنىنا قاتىسپاي, كوماندانىڭ ءبىر جاتتىعۋىن وتكىزىپ العان ەدى. سول ماتچتا ء«ال-ناسر» 1:0 ەسەبىمەن جەڭىسكە جەتكەن. دەرەككوزدەردىڭ مالىمەتىنشە, بۇل قادام ويىنشى مەن كلۋب باسشىلىعى اراسىنداعى ىشكى كەلىسپەۋشىلىكتەرمەن بايلانىستى بولعان.
ESPN دەرەگىنشە, جاعداي سىرت كوزگە كورىنگەننەن الدەقايدا كۇردەلى. باسىلىم مالىمەتىنە سايكەس, رونالدۋ 6 اقپاندا وتەتىن ساۋد ارابياسى چەمپيوناتىنىڭ 21-تۋرى شەڭبەرىندەگى ء«ال-يتتيحادقا» قارسى ويىندى دا وتكىزىپ الۋى مۇمكىن. بۇعان سەبەپ – كلۋبتى باقىلاپ وتىرعان مەملەكەتتىك ينۆەستيتسيالىق قور PIF-تەن ناقتى باسقارۋشىلىق وزگەرىستەرگە قاتىستى كەپىلدىكتەر تالاپ ەتۋى.
پورتۋگاليالىق جۇلدىز ء«ال-ناسر» باسقا الپاۋىت كلۋبتارمەن, اسىرەسە ء«ال-حيليالمەن» سالىستىرعاندا جەتكىلىكتى دەڭگەيدە قارجىلاي قولداۋ الماي وتىر دەپ ەسەپتەيدى. ەگەر تالاپتارى ەسكەرۋسىز قالسا, رونالدۋ كەلىسىمشارتتى مەرزىمىنەن بۇرىن بۇزۋدى سۇراۋى ىقتيمال. ونىڭ قازىرگى كەلىسىمى 2027 جىلدىڭ جاز مەزگىلىنە دەيىن جارامدى.
رونالدۋدىڭ رەكوردى قايتالاندى: مباپپە ءبىر ماۋسىمدا 11 گول سوقتى
وسى ماۋسىمدا كريشتيانۋ رونالدۋ كلۋب دەڭگەيىندە 20 ماتچ وتكىزىپ, 17 گول سوعىپ, 2 ناتيجەلى پاس بەرگەن. ايتا كەتەيىك, بۇگىن, 5 اقپاندا ايگىلى شابۋىلشى 41 جاسقا تولدى.
