№42 تىركەۋ ۋچاسكەسىنە ارنايى ءوتىنىش بەرگەن گۇلسىم احمەتجانوۆا – ءى توپ مۇگەدەگى. ەلىمىزدەگى ماڭىزدى ءىس-شارادا ءوز ەركىمەن ازاماتتىق تاڭداۋىن جاسادى.
«وسى ۋاقىتقا دەيىن كوپ جىل دارىگەر بولىپ جۇمىس ىستەدىم. قازىر دەنساۋلىعىم ءماز ەمەس. بىراق رەفەرەندۋم كۇنى 5 ماۋسىم دەپ بەلگىلەنگەندە جولداسىما ءوتىنىش جازۋدى تاپسىردىم. سەبەبى داۋىس بەرۋدەن قالىس قالعىم كەلمەدى. وسىلايشا, ءۇيدىڭ قاسىنداعى №42 ۋچاسكە كوميسسياسى ارقىلى داۋىس بەرىپ وتىرمىن», دەدى ول.
2019 جىلدان بەرى اۋىرىپ, كورۋ قابىلەتى ناشارلاعان بيفاتيما باۋىرجانوۆا دا ءوز تاڭداۋىن جاساعانىنا قۋانىپ وتىر.
«بۇرىن مۇعالىم بولىپ قىزمەت ەتتىم. بۇگىنگى ءىس-شارا حالىق ءۇشىن ماڭىزدى. سول ءۇشىن ارنايى كوميسسياعا ءوتىنىش جازدىق. داۋىس بەرگەنىمە قۋانىشتىمىن. ەلىمىزدە تىنىشتىق بولعاي!» دەدى ول.
