جالپى, مۇندا 2161 ادام داۋىس بەرۋشى رەتىندە تىركەلگەن. ال 9 ادام مۇمكىندىگىنە قاراي ۇيىنەن داۋىس بەرەدى دەپ جوسپارلانعان. بۇگىن تاڭعى ساعات 07:00-دە №72 سايلاۋ ۋچاسكەسىنە كەلىپ العاش داۋىس بەرگەن ازامات ءشارىپباي ابىلقاسىموۆ. جەتپىس بەس جاستاعى قاريا ەلىمىزدەگى وڭ وزگەرىستەرگە سەنەتىنىن جەتكىزدى. سونداي-اق, اتالعان ءبىلىم وشاعىندا ۇزاق جىلدار بويى ۇستازدىق قىزمەت اتقارعان ءجاميلا جانقورازوۆا دا وزگەرىستى قالايتىنىن, قازاق ەلىنىڭ بولاشاعى ءۇشىن داۋىس بەرۋگە كەلگەنىن ايتتى.
سونداي-اق, تاراز قالاسىنداعى №493 سايلاۋ ۋچاسكەسىندە 1998 سايلاۋشى تىركەلگەن. رەفەرەندۋم كوميسسياسىنىڭ توراعاسى ايدا قاسەنوۆا قازىرگى ۋاقىتتا ءتورت جۇزگە تارتا ازاماتتىڭ داۋىس بەرگەنىن مالىمدەدى. ال تاراز قالاسىنداعى №6 بوبەكجاي بالاباقشاسى پارتيالىق ەمەس بايقاۋ ورتالىعىنىڭ وكىلى دينا ورازاليەۆا سايلاۋدىڭ ءوز دەڭگەيىندە ءوتىپ جاتقانىن ايتتى. باقىلاۋشى ءوز سوزىندە ءبىرىنشى بولىپ سايلاۋ ۋچاسكەسىنە كەلگەن ازاماتتار مەن 18 جاسقا تولىپ, العاش رەت تاڭداۋ جاساپ وتىرعان ازاماتتارعا دا سىيلىق بەرىلگەنىن اتاپ ءوتتى.
