رەفەرەندۋم-2022 • 05 ماۋسىم، 2022

الماتىدا سايلاۋ ۋچاسكەلەرى مۇمكىندىگى شەكتەۋلى ازاماتتار ءۇشىن ارنايى جابدىقتالعان

39 رەت كورسەتىلدى

كونستيتۋتسياعا ەنگىزىلەتىن تۇزەتۋلەر بويىنشا رەفەرەندۋمدا داۋىس بەرۋدىڭ باستالعانى تۋرالى العاشقى اقپاراتتى وڭىرلىك كوممۋنيكاتسيالار قىزمەتىنىڭ بريفينگىندە الماتى قالاسى اۋماقتىق رەفەرەندۋم كوميسسياسىنىڭ ءتورايىمى جاننا اسانوۆا حابارلادى، دەپ جازادى Egemen.kz.

سپيكەردىڭ ايتۋىنشا، «قازاقستان رەسپۋبليكاسىنداعى سايلاۋ تۋرالى» زاڭىنا سايكەس رەفەرەندۋم ۋچاسكەلەرى بۇگىن 6.00-دە اشىلىپ، 7.00-دە داۋىس بەرۋ باستالدى. زاڭنامانىڭ ورەسكەل بۇزۋشىلىقتارى تىركەلگەن جوق، بارلىعى جۇمىس رەجيمىندە وتۋدە. ۋچاسكەلەردە باقىلاۋشىلار بار.

ء«بىزدىڭ تىزىمدە داۋىس بەرۋگە قۇقىعى بار 1 126 854 الماتىلىق تىركەلگەن. سونىمەن قاتار 1388 ەسەپتەن شىعارۋ كۋالىگى بەرىلدى. كەشە 18.00-دە ولاردى زاڭدى تۇردە بەرۋ كەزەڭى جابىلدى جانە وسىنداي سان انىقتالدى. داۋىس بەرۋ بەلسەندىلىگى بىرتىندەپ ارتىپ كەلە جاتقانىن اتاپ وتكىم كەلەدى. تاڭەرتەڭ 7-دە بىزدە العاشقى داۋىس بەرگەندەر بولدى. وقيعالاردىڭ قالاي داميتىنى تۋرالى كەلەسى بريفينگتە حابارلايتىن بولامىز»، دەدى قالالىق اۋماقتىق رەفەرەندۋم كوميسسياسىنىڭ ءتورايىمى.

سونداي-اق ج.اسانوۆا 12.00-دەن كەيىن زاڭ بويىنشا وتىنىشتەر ساعات 12.00-گە دەيىن قابىلداناتىندىقتان، قانشا الماتىلىق ۇيدە داۋىس بەرەتىنى انىقتالاتىنىن حابارلادى.

«قالاداعى رەفەرەندۋمنىڭ بارلىق ۋچاسكەلەرى مۇمكىندىگى شەكتەۋلى ادامدارعا ارنالعان پاندۋستارمەن جابدىقتالعان. راس، ەكى ۋچاسكە ەكىنشى قاباتتا ورنالاسقان. داۋىس بەرۋ ورتالىقتارى جاقىن ماڭداعى شاعىن اۋدانداردىڭ تۇرعىندارىنا كەلۋگە ىڭعايلى بولاتىنداي ەتىپ ۇيىمداستىرىلعان. مۇنى ءبىرىنشى قاباتتا جاساۋعا بارلىق جەردە مۇمكىندىك جوق. بىراق كوميسسيا مۇشەلەرى مەن عيمارات اكىمشىلىگىنىڭ وكىلدەرى مۇمكىندىگى شەكتەۋلى ادامدارعا مىندەتتى تۇردە كومەكتەسەدى»، دەپ اتاپ ءوتتى سپيكەر.

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار