توكيو قالاسىندا داۋىس بەرگەن العاشقى قازاقستاندىق جاقىندا 18-گە تولعان جاس سايلاۋشى اليجان ساليەۆ بولدى. بۇل – ونىڭ العاشقى سايلاۋى جانە ول وسى ءوزىنىڭ قۇقىعىن قۋانا جۇزەگە اسىردى.
«مەن جاقىندا 18 جاسقا تولدىم جانە وسىنداي تاريحي وقيعاعا العاش رەت قاتىسۋ مەن ءۇشىن وتە قىزىقتى. وعان قوسا, بۇل – ۇلكەن جاۋاپكەرشىلىك, ويتكەنى مەنىڭ داۋىسىم دا كونستيتۋتسيانى جاڭارتۋدا ەسكەرىلەتىن بولادى. مەن قازاقستاننىڭ جاپونيا سياقتى دامىعان ەلگە اينالعانىن قالايمىن», دەدى ول. وڭتۇستىك كورەيا استاناسىنداعى №258 ۋچاسكەگە العاش بولىپ قازاقستاندىق وتباسى كاكىم داناباەۆ پەن ارۋنا جانىبەك كەلدى.
ولار سەۋلدە 10 جىلدان استام ۋاقىت تۇرىپ, بيزنەسپەن اينالىسادى.
«مەن كورەي سەرىكتەستەرىممەن بيزنەس جۇرگىزەمىن. ولاردىڭ ءوز ەلىندەگى جاعدايدى قالاي تالقىلايتىندارىن, ساياسي ومىرگە بەلسەندى قاتىساتىنىن ءجيى كورەمىن. سوندىقتان سوڭعى 10 جىل ىشىندە مەن بىردە-ءبىر سايلاۋدان قالعان جوقپىن. بۇل جولى دا ءوز داۋىسىمدى بەرۋگە كەلدىم, ويتكەنى رەفەرەندۋمعا قاتىسۋ – ءبىزدىڭ ازاماتتىق پارىزىمىز. ءبىزدىڭ داۋىسىمىز – بالالارىمىزدىڭ بولاشاعى», دەدى كاسىپكەر.
