وبلىستىق رەفەرەندۋم كوميسسياسىنىڭ توراعاسى ەرقارا ايماعامبەتوۆ ۇسىنعان مالىمەت بويىنشا, وڭىردە اسا ماڭىزدى ساياسي ءىس-شاراعا 880 مىڭنان استام قاتىسۋشى تىركەلگەن ەكەن.
رەفەرەندۋمدا ءوزىنىڭ تاڭداۋىن جاساۋعا اسىعا جەتكەن ازاماتتاردىڭ الدىڭعى لەگىندە قاشاندا بەلسەندىلىكتەرىمەن كوزگە ءتۇسىپ جۇرەتىن زەينەتكەرلەرمەن قاتار جاستاردىڭ دا قاتارى مول بولدى.
كەنشىلەر مادەنيەت سارايىندا ورنالاسقان قاراعاندى قالاسىنىڭ №17 ۋچاسكەسىنە ەرتە كەلىپ داۋىس بەرگەن تۇرعىننىڭ ءبىرى زەينەتكەر التاي ورالباەۆ بولدى. قاريا سالاماتتى ءومىر سالتىن وزىنە سەرىك ەتكەن جاننىڭ ءبىرى بولىپ شىقتى. كۇنىگە تاڭەرتەڭ دەنە شىنىقتىرۋ جاتتىعۋلارىن جاساپ تۇرادى ەكەن.
«بۇگىن مەن جۇرتتان بۇرىن كەلىپ داۋىس بەردىم. بارشا تۇرعىندار ءۇشىن ازاماتتىق ۇستانىمنىڭ ماڭىزى وتە زور دەپ سانايمىن. ەلىمىزدىڭ بولاشاعى بىزگە بايلانىستى», دەيدى زەينەتكەر.
التاي ورازباەۆ داۋىس بەرگەن №17 ۋچاسكەدە رەفەرەندۋمدا ءوز تاڭداۋىن جاساۋعا نيەت بىلدىرگەن تۇرعىنداردىڭ سانى 2082 ەكەن.
وبلىستىق رەفەرەندۋم كوميسسياسى داۋىس بەرۋ بارىسىن پارتيالار مەن قوعامدىق بىرلەستىكتەردىڭ بايقاۋشىلارى باقىلايتىنىن اتاپ ءوتتى.
