«اتا زاڭنىڭ بارلىق جاڭا ەرەجەلەرى پرەزيدەنتتىڭ ارتىقشىلىقتارى مەن وكىلەتتىكتەرىن ارتتىرۋعا ەمەس, بيلىك تارماقتارى اراسىنداعى تەجەمەلىك ءارى تەپە-تەڭدىك جۇيەسىن نىعايتۋعا, بارلىق ازاماتتاردىڭ مۇددەلەرىن, قۇقىقتارى مەن بوستاندىقتارىن قورعاۋعا باعىتتالعان. كونستيتۋتسيالىق وزگەرىستەر بويىنشا بۇكىلحالىقتىق ەرىك ءبىلدىرۋ جاڭا, ادىلەتتى قازاقستاننىڭ بەرىك ىرگەتاسىن قالايتىنىنا سەنىمدىمىن», دەدى ول.
سونداي-اق پرەزيدەنت رەفەرەندۋم ءبىزدىڭ قوعامنىڭ ازاماتتىق جەتىلۋىنە جانە ساياسي ساناعا تەكسەرىس بولاتىنىن اتاپ ءوتتى. ورتالىق رەفەرەندۋم كوميسسياسى مەن باسقا دا ۋاكىلەتتى مەملەكەتتىك ورگاندار سايلاۋ زاڭناماسىنىڭ بارلىق نورمالارىنىڭ مۇلتىكسىز ساقتالۋىن قامتاماسىز ەتەدى. داۋىس بەرۋ بارىسىن حالىقارالىق بايقاۋشىلار مەن ەلىمىزدىڭ قوعامدىق بىرلەستىكتەرىنىڭ وكىلدەرى باقىلايتىن بولادى.
«بۇرىن-سوڭدى بولماعان گەوستراتەگيالىق بەلگىسىزدىك پەن ەلىمىزدىڭ الدىندا تۇرعان كۇردەلى مىندەتتەردى شەشۋ قاجەتتىلىگى جاعدايىندا ءبىز ءوزىمىزدىڭ بىرلىگىمىز بەن ىنتىماعىمىزبەن مىقتى بولۋعا ءتيىسپىز. شىنايى دەموكراتيا ءاربىر ازاماتتىڭ ورتاق ىسىنە بەلسەندى جانە جاسامپاز قاتىسۋدى كوزدەيدى. جاڭا تۇزەتۋلەرگە داۋىس بەرە وتىرىپ, ءسىز سىبايلاس جەمقورلىققا, نەپوتيزمگە, ساياسات پەن ەكونوميكاداعى مونوپولياعا قارسى شەشىم قابىلدايسىز», دەدى پرەزيدەنت ءوز سوزىندە.
