ەلوردا تۇرعىندارى 5 ماۋسىمدا سايلاۋ ۋچاسكەلەرىنە بارىپ, ەلىمىزدىڭ بولاشاعى ءۇشىن ماڭىزدى تاڭداۋ جاسايتىنىن, وزدەرىنىڭ كونستيتۋتسيالىق قۇقىعىن پايدالانۋعا دايىن ەكەندىكتەرىن ءبىلدىردى.
«شاقىرتۋ الدىم, پاتەرىمە اكەلىپ, قولىما ۇستاتتى. ارينە, ءبارىمىز بارامىز دەپ دايىندالىپ وتىرمىز. قازاقستاننىڭ بارلىق ازاماتى ەلىمىزدىڭ ەرتەڭىنە اسەر ەتەتىن شەشىمگە قاتىسۋى كەرەك. ءبىز العا جىلجىپ, وركەندەۋىمىز كەرەك», دەپ اتاپ ءوتتى استانالىقتار.
ەلوردالىقتاردىڭ كوبىسى كونستيتۋتسيالىق تۇزەتۋلەردى قولدايتىنىن جەتكىزدى:
«كەز كەلگەن سالادا وزگەرىس قاجەت, اركىم جاڭا نارسە جاساۋعا ۇمتىلۋى كەرەك. وزگەرىستەر قاجەت, 30 جىلدان بەرى شەشىلمەي كەلە جاتقان پروبلەمالار كوپ, ەندى ۇلكەن وزگەرىستەردى كۇتەمىز. جەكسەنبى كۇنى ارينە, بۇكىل وتباسىمىزبەن بارامىز».
«مىندەتتى تۇردە بارامىز, ءوز پىكىرىمىزدى ايتۋىمىز كەرەك. ءار ادام ءوز پىكىرىن جاسىرماي, ايتا الاتىن كەزەڭ وتە ماڭىزدى دەپ ەسەپتەيمىن. بۇل قازاقستاننىڭ ءاربىر ازاماتى ءۇشىن ۇلكەن ارتىقشىلىق دەگەن ويدامىن. ءوز قۇقىعىمىزدى پايدالانۋىمىز كەرەك», دەيدى قالا تۇرعىندارى.
