«2 ماۋسىم كۇنى ساعات 12.10-دا باياناۋىل اۋدانىندا مۇتپ اۋماعىندا جاسىباي ورمان شارۋاشىلىعى 17 ورام, 32 ۋچاسكە جانە باياناۋىل ورمان شارۋاشىلىعى شەكاراسىندا قۇرعاق ءشوپ ورتەنىپ جاتقانى تۋرالى حابارلاما ءتۇستى. ءورت تاقىر تاۋ سياقتى جەتۋ قيىن جەرلەردە بولعان. سونىمەن قاتار ءسوندىرۋ جۇمىستارىنا قاتتى جەل بوگەت بولىپ وتىر», دەيدى پاۆلودار وبلىسى توتەنشە جاعدايلار دەپارتامەنتى باسشىسىنىڭ ورىنباسارى قايرات شايماردەنوۆ.
قىزىل جالىن شامامەن 10 گەكتار القاپقا تارالعان. ءورتتى سوندىرۋگە 40-قا جۋىق تەحنيكا مەن 100-دەن استام ادام جۇمىلدىرىلدى. سونداي-اق اكىمدىك جىبەرگەن 30 ادام باقىلاۋ كۇزەتىندە تۇر.
كەشە باستالعان ءورتتىڭ بەتى قايتقانىمەن زارداپتارىن جويۋ جۇمىستارى ءالى جالعاسىپ جاتىر. ءورتتىڭ شىعۋ سەبەپتەرى, جالپى اۋماعى مەن كەلتىرىلگەن شىعىن كولەمى ءالى انىقتالعان جوق.
سالتانات كەنجەباي
