كوركەم گيمناستيكانىڭ پريماسى

بەيجىڭ وليمپياداسىنىڭ ال­دىندا كوركەم گيمناستيكانىڭ بىلگىرى, ءتالىمىن كورگەن شاكىرتتەرى وليمپيادادان الەم چەم­پيو­نا­تىنا دەيىنگى ارالىقتارداعى جا­رىس­تاردىڭ بار جۇلدەلى ورىن­دارىن ءبولىسىپ جۇرەتىن داڭقتى يرينا ۆيننەر بىلاي دەگەن. “بەيجىڭدە توپ جارۋعا لايىق ءتورت-بەس كوركەم گيمناسشى بار. سولاردىڭ ءبىرى – ءاليا ءجۇسىپوۆا”. ۆيننەر ارينە, ءاليانىڭ ءتول­قۇجاتقا جازىلىپ كەتكەن تەگىمەن اليا يۋسۋپوۆا دەيدى. ءوزىمىز اليا­نى ءاليا دەپ قازاقشالاي قويامىز دا, فاميلياسىنا كەلگەندە قا­زاق­شامىز تاۋسىلىپ قالادى. يۋسۋ­پوۆا دەگەن سوڭ سپورتتاعى جۇرت­تى قويىپ, ءوزى­مىزدە دە ءاليانى كور­مەگەندەر تاتار قىزى شىعار دەپ شاتاسىپ جاتادى. شىندىعىندا ەشقانداي قوس­پا­سى جوق قازاق قىزى عوي. اكەسى ماقسۇت بوكستان وڭتۇستىكتە العاش­قىلاردىڭ ءبىرى بولىپ سپورت شەبەرى بولعان. ءاليا ءجۇسىپوۆا ساۋلە بار­لىباەۆا, التىن باتىربەكوۆا اپكە­لەرىنىڭ جولىن قۋىپ, ۇزاق جىل­دار بويى الەمدەگى ۇزدىك بەس­تىكتىڭ ىشىندە بولدى. سول ءاليامىز ۇلكەن سپورتپەن قوش­تاستى. تۋعان حالقىنا, سۇيىكتى وتانىنا كوركەم گيمناستيكانىڭ التىنىن سىيلاۋ ءۇشىن بارىن سال­عانى انىق. “ۇيدەگى كوڭىلدى بازار­داعى نارىق بۇزادى” دەگەندەي, قاي­سىندا دا ءاليانىڭ كەرى تارت­قان جەرى جوق. جەڭىل اتلەتتەردىڭ باقى­تى ءما­رە­گە قالاي كەلگەنى سەكونت­تەردىڭ شاشىلىپ قالعان قيقىمىنا دەيىن جاڭىلماي ەسەپ­تەيتىن قۇرال­دارى ار­قىلى انىق­تا­لاتىندىعى. ال, قازى­لار القاسى انىقتايتىن سپورت ءتۇر­لە­رىندە پەن­دەلىك دەگەن بولىپ جاتادى. قازىلار القاسىنا ءسوزى وتەر ىق­پال­دى اعايىنىڭ بولماعان جاعدايدا قانشا جەردەن تالانتتى بولساڭ دا شەكەسى قىرىستانىپ, ۇي­قىسى شالا بولعان بىرەۋى كوكەيىن­دەگى سپورتشى­نىڭ الدىنا شىعىپ كەتپەۋى ءۇشىن ۇپايىڭدى تومەن بەرە سالسا ءبىتتى. ءاليا وسى قياناتتى كوپ كوردى. افينا وليمپياداسىندا كە­مىن­دە كۇمىس مەدال الۋى كەرەك ەدى, كورەرمەندەردىڭ جەر تەپكىلەگەنىنە قاراماي ولجاسىن كوپە-كورنەۋ تەحنيكالىق قاتە جىبەرگەن رەسەي قىزىنا الىپ بەردى. بەيجىڭ وليمپياداسىندا دا ۋكراينالىق بەسسونوۆا مەن قازاق قىزى ءاليانىڭ ونەرى قايتا قارا­لىپ, ۇپايلارى جوعارىلاتىلعانىن كوزىمىز كوردى. ءبازبىر اعايىندار اراسىندا ءاليانىڭ ۇلكەن سپورتپەن سالتا­ناتتى قوشتاساتىندىعى ءسوز بول­عاندا “ول التىن مەدال العان ەمەس, ونداي قۇرمەت نە كەرەك” دەگەندەرى دە بولعان. مۇنىمىز دا پەندەشىلىك. كوركەم گيمناستيكا­داعى كوركەم قىزىمىز التىن الا الماي جاتسا, سونداي الامانعا ىقپالدى ادىلقازى دايىنداي الماي جۇرگەن ءوزىمىز كىنالىمىز. ەلباسىعا راحمەت. شىمكەنتكە كەلىپ, سپورت سارايىندا سپورت­شى­لارمەن كەزدەسكەندە ء“اليا, مەن سەنىڭ جەڭەتىنىڭە سەندىم” دەدى. وبلىس باسشىسىنا الياعا جەكە گيم­ناستيكا مەكتەبىن سالۋ كەرەك­تىگىن ايتتى. ءاليا تۇرمىسقا شىق­قاندا تۋريزم جانە سپورت مي­نيسترى تەمىر­حان دوسمۇحامبەتوۆ تويعا ارنايى كەلىپ, ەلباسىنىڭ اتىنان اۆتو­كولىكتىڭ كىلتىن ۇسىن­دى. ءاليا­نىڭ باعاسىن ءبىلۋ دەگەن وسى. 2006 جىل. كاتار. دوحادا ازيا ويىندارىنىڭ بايراقتى باسەكەسى قىزىپ جاتىر. اق كويلەگى قىزىل توبىعىن جاۋىپ جۇرەتىن, اۋزىنان اللاسى تۇسپەيتىن ارابتار ەتەگىنە ءسۇرى­نىپ جۇرەتىندەي حالدە ەمەس. سپورت سارايلارى بىرىنەن-ءبىرى وتەر­­دەي ءساندى, الىپ تۇندىگى باسكە ءتۇس­كەندەردىڭ بۋىنان جەلپ-جەلپ ەتەدى. قازاقتىڭ بوتا تىرسەك, بوتا كوز ارۋى ءاليا ءجۇسىپوۆا كوركەم گيم­ناستيكانىڭ ءتورت تۇرىنەن وتكەن سىنىندا بار التىندى ءبىر ءوزى سى­پىرىپ الدى. كوماندالىق ەسەپتە دە قازاقستاندى العا شىعارار­لىقتاي ەرلىك جاسادى. ەكى وكپەمىزدى قولىمىزعا الىپ اراسىن جۇقا شاتىر بولگەن كۇرەس زالىنا اسىقتىق. رومان مەلەشين اقتىق سىندا ايقاسىپ جاتقان ەدى. ءبىر كەزدە ايقاي-شۋدى تۇنشىق­تى­رىپ قازاقستانىڭ ءانۇرانى وينال­دى. ءاليانىڭ قۇرمەتىنە. ءاليانىڭ ۇزەڭگىلەس سەرىكتەرىنىڭ قۇرمەتىنە. وسى كەزدە رومان تورتتاعانداپ جاتقان قارسىلاسىن جەردەن قاپ كوتەرگەندەي سالاقتاتىپ ج ۇلىپ الدى. شەكە تامىرلارى بىلەۋلەنىپ ءسال تۇردى دا وڭ جاق قاپتالعا ءبىر-اق ۇردى. رومان مەلەشين دە ازيا ويىن­­دارىنىڭ جەڭىمپازى. الىپ ساراي­دى قۋانعاننان مويىنى­مىزعا ءىلىپ كەتەردەي حالدە ءجۇرمىز. سوڭىنان رومان ايتتى عوي. قازاق­ستاننىڭ ءانۇرانىن ەستىگەندە كەۋ­دەمە الاپات كۇش ءبىتتى دەپ. سولاي. ءاليا ءوزى عانا التىن الىپ قويماي سەرىكتەرىنە جانە شىعىستىڭ بالۋا­نىنا دا التىن ۇستاتقان. سول ءاليا, ازيانىڭ ەكى دۇركىن ابسوليۋتتىك چەمپيونى, ازيا ويىن­دارىنىڭ جەڭىمپازى, قازاقستان­نىڭ ون دۇركىن چەمپيونى, افينا وليمپياداسىندا ءتورتىنشى, بەي­جىڭدە بەسىنشى ورىن العان, تالاي حالىقارالىق تۋرنيرلەردە مارەگە ماڭدايى جارقىراپ دارا كەلگەن ءاليا ءجۇسىپوۆا ۇلكەن سپورتپەن قوشتاستى. شىمكەنتتەگى قاجىمۇقان اتىن­­­داعى ستاديونعا حالىق كوپ جينالدى. داڭقتى قىزىن اتىنا ساي شىعارىپ سالۋ ءۇشىن. وبلىس­تىق ءماسليحاتتىڭ حاتشىسى ءابىل­قاسىم دوسبولوۆ اعاسى قۇتتىقتاپ, وبلىس اكىمدىگى اتىنان اۆتوكولىك كىلتىن ۇسىندى. تۋريزم جانە سپورت مي­نيستر­لىگى سپورت كوميتەتىنىڭ توراعاسى ەلسيار قاناعاتوۆ ۇوك-ءتىڭ “ال­تىن” وردە­نىن تابىس ەتتى. ءاليا وقى­عان م.اۋە­زوۆ اتىن­داعى وقمۋ رەكتورى, اكادەميك ءۋاليحان بي­شىم­باەۆ ءاليا ءجۇسى­پوۆاعا ارنايى اشىلعان كوركەم گيم­ناستيكا مەك­تەبىنىڭ كىلتىن ۇسىندى. تۇڭعىش رەت كوركەم گيمناستي­كادان وتكىزىلىپ وتىرعان حالىقارا­لىق تۋرنيرگە ءاليانىڭ ۇلكەن سپورتتا باسەكەلەسى, بىلايعى ءومىر­دە دوسى بولعان الەم چەمپيونى ولگا كاپرانوۆا ونەرىن كورسەتتى. ءاليانىڭ قۇرمەتى ءۇشىن. وبلىستىق سپورت جانە دەنە تاربيەسى باسقار­ماسىنىڭ باستىعى بولات قىرىق­باەۆ حالىقارالىق تۋرنير ءوز ءما­نىن­دە ءوتۋ ءۇشىن كوپ جۇمىس جا­سا­دى. ويداعىداي وتكىزدى. ءاليا ءجۇسىپوۆانىڭ گيمناستيكا زالىندا 11 كوماندا اراسىندا وتكەن تۋرنير تارتىستى بولدى. 2000-2001 جىلى دۇنيەگە كەلگەندەر اراسىندا ءمادينا نۇرعالي (قارا­عاندى قالاسى) ءبىرىنشى ورىن السا, ەكىنشى ورىندى ديەرا حاكيموۆا (وزبەكستان), ءۇشىنشى ورىندى ارۋ­جان ءانۋاروۆا (تاراز) جەڭىپ الدى. 1998-1999 جىلعىلار اراسىندا باس جۇلدە رەسەيلىك يۋليا براۆيكوۆاعا بۇيىردى. 1996-1997 جىلعىلار ارا­سىنداعى جارىستا تاعى دا رەسەي قىزدارى دارالاندى. يۋليا ني­كول­سكايا – التىن, داريا كولو­بوۆا قولا مەدال الدى. استانالىق ءاليا اسىلوۆا كۇمىس مەدالدى ەنشىلەدى. ءاليا ءجۇسىپوۆا بۇگىندە قازاق­ستان قۇراماسىنىڭ اعا جاتتىق­تىرۋ­شىسى. ءادىل قازىلاردان قىساس­تىقتى كوپ كورگەن قىزىمىز حالىقارالىق تورەشى سەرتيفي­كاتىن الدى. قۇداي قوس كورسە, كوركەم گيمناستيكاداعى سپورتشى­لارىمىزعا باس-كوز بولادى. – ازدى-كوپتى ەڭبەگىمدى ەس­كە­رىپ, سالتاناتپەن شىعارىپ سا­لىپ وتىر­عان اعالارىمىزعا, حال­قى­مىزعا راح­مەت, – دەدى ول. – بىراق, مەن سپورت­تان تۇبەگەيلى كەت­كەن جوقپىن. اعا جاتتىق­تىرۋشى رەتىندە شاكىرت­تەرىمىزدىڭ وتانى­مىز­عا جەڭىس سىيلاۋىنا ۇلەس قوسامىز. بوس سوزگە, قۇر ماقتانعا تابيعا­تى كەلمەيتىن كوركەم گيمناستيكا­مىزدىڭ پريماسى وسىلاي دەدى. مۇمكىن, ۇستازى يرينا ۆيننەر سياقتى وليمپ بيىگىنە شاكىرتىن ءوزى جەتەلەپ شىعار كۇندەرگە دە جەتەر­مىز. ونداي ەرلىك الدىندا ءاليا مەن مانشۇكتەي باتىر اپا­لارى بار ءاليانىڭ قولىنان كەلەدى. باقتيار تايجان, شىمكەنت.