ەرجان توقتارحانوۆ 1975 جىلى شىعىس قازاقستان وبلىسىندا دۇنيەگە كەلگەن. س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن بىتىرگەن. ەكونوميست, زاڭگەر.
مەملەكەتتىك قىزمەتتەگى ەڭبەك ءوتىلى - 24 جىل. 1997 جىلدان باستاپ وسكەمەن قالاسى بويىنشا سالىق ينسپەكتورىنان سالىق كوميتەتىنىڭ توراعاسىنا دەيىنگى لاۋازىمدى قىزمەتتەردى اتقاردى.
ءار جىلدارى قاراعاندى وبلىسى بويىنشا مەملەكەتتىك كىرىستەر دەپارتامەنتىندە باسقارما باسشىسى, ەلوردانىڭ سارىارقا اۋدانى بويىنشا مەملەكەتتىك كىرىستەر باسقارماسىنىڭ باسشىسى بولعان.
2019 جىلدان باستاپ قازىرگە دەيىن قارجى مينيسترلىگى مەملەكەتتىك كىرىستەر كوميتەتى باقىلاۋ دەپارتامەنتىنىڭ جانە اقپاراتتىق تەحنولوگيالار دەپارتامەنتىنىڭ ديرەكتورى قىزمەتىن اتقاردى.
