دەپۋتاتتار مەتاللۋرگتەرمەن كونستيتۋتسيانىڭ ەل دامۋىنداعى ءرولىن جانە جاڭا قازاقستاندى قۇرۋداعى كونستيتۋتسيالىق رەفورمانىڭ ماڭىزدىلىعىن تالقىلادى.
يۋري جۋلين كونستيتۋتسيالىق رەفورما اۋقىمدى جانە تۇبەگەيلى وزگەرىستەرگە جول اشاتىنىن اتاپ ءوتتى.
– كونستيتۋتسيالىق سوتتىڭ قۇرىلۋى ازاماتتاردىڭ وزدەرىنىڭ كونستيتۋتسيالىق قۇقىقتارىن قورعاۋ مۇمكىندىكتەرىن كەڭەيتەدى. كونستيتۋتسياعا ەنگىزىلەتىن وزگەرىستەر كونستيتۋتسيالىق كەڭەستىڭ وكىلەتتىگىن كەڭەيتپەيدى, كەرىسىنشە, قۇقىقتارى مەن مۇددەلەرىنە نۇقسان كەلتىرىلگەن دەپ سانايتىن ازاماتتارعا ماسەلەنى قاراۋ ءۇشىن تىكەلەي كونستيتۋتسيالىق سوتقا جۇگىنۋگە قۇقىق بەرەدى. بۇعان دەيىن كونستيتۋتسيالىق كەڭەس پرەزيدەنتتىڭ جانە ءماجىلىس دەپۋتاتتارىنىڭ 2/3-ءىنىڭ ساۋالى بويىنشا وسى نەمەسە وزگە زاڭنىڭ كونستيتۋتسياعا قانشالىقتى سايكەس كەلەتىنى جونىندە تۇسىنىكتەمە بەرگەن بولاتىن. ەندى كونستيتۋتسيالىق سوت ءاربىر قازاقستاندىققا قابىلدانعان شەشىمنىڭ ايقىندىعى تۇرعىسىنان قورىتىندى الۋ ءۇشىن جوعارى قاداعالاۋ ورگانىنا جۇگىنۋ قۇقىعىن بەرەتىن بولادى, – دەدى.
ءوز كەزەگىندە بەرىك ابدىعالي ۇلى رەفەرەندۋمدى ماڭىزدى ساياسي وقيعا ەكەنىن اتاپ ءوتتى.
– مەملەكەت باسشىسىنىڭ مالىمدەۋىنشە, قازاقستان تاريحىنداعى جاڭا تاراۋدى كونستيتۋتسياعا تۇزەتۋلەر اشادى. قوعامنىڭ جانە ەلدىڭ ومىرىنە جان-جاقتى اسەر ەتەتىن ەلدىڭ ساياسي جۇيەسىن قايتا ىسكە قوسۋدىڭ ءورشىل ماقساتتارى قويىلعان, – دەدى دەپۋتات.
ال «ارسەلورميتتال تەمىرتاۋ» اق ءۇشىنشى دومنا پەشى ۋچاسكەسىنىڭ جەتەكشىسى مارلەن بايبۋسينوۆ زاڭعا ەنگىزىلگەن تولىقتىرۋلار مەن تۇزەتۋلەر تۋرالى ايتىپ, رەفەرەندۋمعا ءوز قولداۋىن ءبىلدىردى.
– ءبىز كوپتەگەن جىل بويى ەلدەگى حالىق پەن دەموكراتيا ساناسىنىڭ وزگەرۋى تۋرالى ايتىپ كەلەمىز. سوندىقتان رەفەرەندۋم بۇعان ىقپال ەتەدى دەپ سانايمىن. مەن رەفەرەندۋمدى قولداۋ ءۇشىن مىندەتتى تۇردە 5 ماۋسىمدا ءوزىمنىڭ سايلاۋ ۋچاسكەمە بارامىن, – دەدى مەتاللۋرگ.
كەزدەسۋگە قاتىسۋشىلار ۇسىنىلىپ وتىرعان جاڭا وزگەرىستەرگە تالداۋ جاساپ, كونستيتۋتسيالىق رەفورمانىڭ ماڭىزدىلىعىن, ونىڭ ىشىندە ازاماتتاردىڭ مەملەكەتتى باسقارۋعا قاتىسۋىن كەڭەيتۋ, قۇقىق قورعاۋ سالاسىن نىعايتۋ ماسەلەلەرىن تالقىلادى. مەتاللۋرگتەر دە زەينەت جاسىن تومەندەتۋ مۇمكىندىگى تۋرالى ءوز ۇسىنىستارىن ايتتى.
قاراعاندى وبلىسى
