پرەزيدەنتتىڭ ايتۋىنشا, ەگەر تابيعي اپاتتاردى بولجاۋدا تسيفرلىق تاسىلدەر تولىق قولدانىلماسا, اتقارىلعان جۇمىستىڭ ءبارى ناتيجەسىز قالۋى مۇمكىن. بۇل رەتتە قازاقستاندا قاجەتتى تەحنولوگيالار بار, باستى ماسەلە – ولاردى جاۋاپتى ءارى جۇيەلى تۇردە پايدالانۋ.
«تاعى دا ايتارىم, تابيعي اپاتتاردى بولجاۋ ءۇشىن تسيفرلىق تاسىلدەردى پايدالانباساق, جۇمىستىڭ ءبارى بوسقا كەتەدى. بىزدە قاجەتتى تەحنولوگيانىڭ ءبارىن پايدالانۋعا مۇمكىندىك بار. تەك سونىڭ بارلىعى قانشالىقتى جاۋاپتى ءارى جۇيەلى تۇردە قولدانىلادى دەگەن سۇراق تۋادى. ماسەلە – سوندا», دەدى مەملەكەت باسشىسى.
قاسىم-جومارت توقاەۆ ەگىس القاپتارى مەن ينفراقۇرىلىمدى قورعاۋعا باعىتتالعان شارالار الدىن الا قابىلدانۋى كەرەگىن اتاپ ءوتتى. ونىڭ سوزىنشە, ماسەلە تۋىنداعان سايىن عانا ارەكەتكە كوشپەي, قاۋىپتىڭ الدىن الۋ مادەنيەتىن قالىپتاستىرۋ قاجەت.
ء«ار جولى ماسەلە پايدا بولعان كەزدە عانا جانتالاسپاي, قيىندىقتىڭ الدىن العان ءجون. بۇرىنعى قاتەلىكتەرگە جول بەرمەۋ كەرەك», دەدى پرەزيدەنت.
توقاەۆ: ەلىمىزدە بۇرىن-سوڭدى بولماعان اۋقىمدى ينفراقۇرىلىمدىق جوبالار باستالادى
مەملەكەت باسشىسى كوكتەم مەزگىلىنىڭ تاياپ قالعانىن ەسكە سالىپ, ۇكىمەتكە اكىمدىكتەرمەن بىرلەسىپ سۋ تاسقىنىنا قارسى شارالاردى ساپالى ءارى ۋاقىتىلى جۇزەگە اسىرۋدى تاپسىردى. پرەزيدەنت بۇل جۇمىستىڭ وڭىرلەردەگى ۇيلەستىرۋ دەڭگەيى مەن ناقتى جاۋاپكەرشىلىككە تىكەلەي بايلانىستى ەكەنىن قاداپ ايتتى.
ونىڭ ايتۋىنشا, تابيعي قاتەرلەرگە دايىندىق ەلدىڭ ازىق-ت ۇلىك قاۋىپسىزدىگىنە, ينفراقۇرىلىمنىڭ ساقتالۋىنا جانە ازاماتتاردىڭ تۇرمىس-تىرشىلىگىنە تىكەلەي اسەر ەتەدى. سوندىقتان بۇل ماسەلە ۇكىمەت جۇمىسىنىڭ باسىم باعىتتارىنىڭ ءبىرى بولۋعا ءتيىس.
