فوتو: egemen.kz/ ەرلان ومار
پرەزيدەنت ەلىمىزدىڭ قارجى نارىعىنداعى جيىنتىق اكتيۆتەردىڭ 84 پايىزى بانك سالاسىنا تيەسىلى بولسا دا بيزنەسكە بەرىلەتىن قارىز ۇلەسى تومەن دەڭگەيدە, 38 پايىزدى قۇرايتىنىن اتاپ ءوتتى.
ۇلتتىق ماماندىقتار ترانسفورماتسياسى ورتالىعى قۇرىلادى
«ال ەكىنشى دەڭگەيلى بانكتەر بىلتىر «شىبىق باسىن سىندىرماي», ەش قينالماي 3 تريلليون تەڭگەگە جۋىق تابىس تاپتى. بانكتەر ەكونوميكانىڭ نەگىزگى قارجىلاندىرۋ كوزى رەتىندە ءوزىنىڭ زاڭدى رولىنە ورالۋى ءۇشىن جاعداي جاساۋ قاجەت دەگەندى تالاي رەت ايتىلدى. بىراق سىلتاۋ تاۋسىلمايدى. ناتيجەسىندە بانك جۇيەسىندەگى الاياقتىق ارەكەتتەرگە كۋا بولدىق. ءىرى, جۇيە قۇراۋشى بانكتەر مەملەكەت تاراپىنان وراسان زور كومەك بەرىلگەنىنە قاراماستان, داعدارىسقا ۇشىراپ, تۋرا ماعىناسىندا 1 دوللارعا ساتىلدى», دەدى قاسىم-جومارت توقاەۆ.
پرەزيدەنت مەملەكەت پەن جەكە سەرىكتەستىكتى بەلسەندى پايدالانۋدى تاپسىردى
مەملەكەت باسشىسى ەكونوميكانى قولجەتىمدى كرەديتپەن قامتاماسىز ەتۋ ءۇشىن اتقارىلۋى ءتيىس بىرقاتار ماڭىزدى ماسەلەگە نازار اۋداردى.
«قازىر بانكتەردىڭ وزىنە تارتاتىن قارجى رەسۋرستارىنىڭ قۇنى جوعارى دەگەن اڭگىمە ايتىلا باستادى. ولاردىڭ ەكونوميكانى قارجىلاندىرۋىنا وسى كەدەرگى كەلتىرىپ وتىر-مىس. دەمەك ەكونوميكانى قولجەتىمدى كرەديتپەن قامتاماسىز ەتۋدىڭ جالعىز جولى – ينفلياتسيانى تۇراقتاندىرىپ, دەڭگەيىن تومەندەتۋ, سودان كەيىن نارىقتىق مولشەرلەمەنى ازايتۋ.
تاعى دا قايتالاپ ايتامىن: بۇل رەتتە ۇكىمەت پەن ۇلتتىق بانكتىڭ جۇيەلى, ۇيلەسىمدى ءارى كاسىبي تۇرعىدا جۇمىس ىستەگەنى ماڭىزدى. حالىقارالىق ۆاليۋتا قورىنىڭ كەڭەسىنە قۇلاق اسىپ, ءتۇرلى تەرمينولوگيانى وڭدى-سوڭدى قولدانۋعا اسا كوپ اقىلدىڭ قاجەتى جوق. ازداپ ويلانىپ, تىم بولماسا كوپتەگەن تۇيتكىلدى شەشۋگە تالاپتانىپ كورۋ, بۇل – باسقا ماسەلە», دەدى پرەزيدەنت.قاسىم-جومارت توقاەۆ: الاتاۋ قالاسى جاڭا ينۆەستيتسيالىق كەزەڭنىڭ نەگىزگى جوباسى بولۋعا ءتيىس
