وقۋ ورداسىنىڭ وقىتۋشىلار قۇرامى مەن ستۋدەنتتەرى قاتىسقان جيىندا «قازاقستان تاريحى جانە قازاقستان حالىقتارىنىڭ مادەنيەتى كافەدراسىنىڭ» مەڭگەرۋشىسى, تاريح عىلىمدارىنىڭ كانديداتى زاۋرە اقتامبەرديەۆا, «قۇقىق» كافەدراسىنىڭ مەڭگەرۋشىسى باقىتجان قۋاندىقوۆ, ت.ب. قاتىسۋشىلار رەفەرەندۋمعا قاتىستى پىكىرلەرىن ءبىلدىرىپ, اتا زاڭعا ەنگىزىلەتىن وزگەرىستەرگە بايلانىستى ۇسىنىستارىن ورتاعا سالدى.
دوڭگەلەك ۇستەلگە قاتىسقاندار پرەزيدەنت ق.توقاەۆتىڭ كونستيتۋتسياعا وزگەرىستەر مەن تولىقتىرۋلار ەنگىزۋ تۋرالى رەسپۋبليكالىق رەفەرەندۋم وتكiزۋدىڭ ءمان-ماڭىزىن جانە ازاماتتىق قوعامدى دامىتۋ, حالىقتىڭ مەملەكەتتىك باسقارۋعا قاتىسۋ بەلسەندىلىگىن ىنتالاندىرۋ ماسەلەسى تۋرالى باستاماسىنا قولداۋ ءبىلدىردى.
كونستيتۋتسيا رەفورماسى مەملەكەتتىڭ بارلىق مودەلىن كەشەندى تۇردە ترانسفورماتسيالاۋعا باعىتتالعان. وزگەرىستەر سۋپەرپرەزيدەنتتىك باسقارۋ فورماسىنان ىقپالدى پارلامەنت پەن جاۋاپتى ۇكىمەتى بار پرەزيدەنتتىك رەسپۋبليكاعا ءوتۋدى قامتاماسىز ەتپەك. سونىمەن قاتار ادام قۇقىقتارىن قورعاۋدى كۇشەيتۋ ماقساتىندا «كونستيتۋتسيالىق سوت» جانە «ادام قۇقىقتارى بويىنشا ۋاكىلەتتى ورگان» دەگەن ەكى جاڭا باپ ەنگىزىلمەك. ودان كەيىن سايلاۋ جۇيەسى وزگەرەيىن دەپ وتىر. ەندى كەز كەلگەن قازاقستاندىق ازامات ءوزىن دەپۋتاتتىققا ۇسىنۋعا مۇمكىندىك الاتىن بولادى.
جاڭاشىلدىقتىڭ تاعى ءبىرى – جەر ماسەلەسىنە قاتىستى وزگەرىستەر. قازىرگى زاڭ بويىنشا جەر مەملەكەت مەنشىگى بولىپ سانالادى. ەندى جەر, سۋ كوزدەرى مەن باسقا دا تابيعي رەسۋرستار حالىققا تيەسىلى بولماق. مەنشىك قۇقىعىن حالىق اتىنان مەملەكەت جۇزەگە اسىرادى. وسىعان بايلانىستى حالىق ءوز شەشىمىن قابىلداۋعا ءتيىس.
كەزدەسۋ بارىسىندا ساراپشىلار ەلىمىزدەگى دەموكراتيالاندىرۋ ۇدەرىسىن ودان ءارى جالعاستىرۋدى كوزدەيتىن كونستيتۋتسيالىق وزگەرىستەر مەن تولىقتىرۋلار ەنگىزۋگە قاتىستى قويىلعان سۇراقتارعا جان-جاقتى جاۋاپ بەردى. ءوز كەزەگىندە ۇستازدار مەن ستۋدەنتتەر 5 ماۋسىمدا وتەتىن رەفەرەندۋمعا ۇيىمشىلدىقپەن قاتىساتىندارىن ءارى ەل بولاشاعى ءۇشىن جاسالاتىن ماڭىزدى قادامداردى تولىق قولدايتىندىقتارىن ءبىلدىردى.
الماتى
