اڭگىمە بارىسىندا ماۋلەن اشىمباەۆ قازاقستاندا جۇزەگە اسىپ جاتقان قوعامدىق-ساياسي سالاداعى جۇيەلى رەفورمالار تۋرالى ايتىپ بەردى. سەنات توراعاسى العا قويىلعان باستامالار ەلىمىزدىڭ قولدانىستاعى ساياسي جۇيەسىن تۇبەگەيلى وزگەرتەتىنىن جانە اۋقىمدى كونستيتۋتسيالىق رەفورما جۇرگىزۋدى كوزدەيتىنىن اتاپ ءوتتى.
ماۋلەن اشىمباەۆ سونداي-اق كونستيتۋتسياعا ەنگىزۋگە ۇسىنىلعان نەگىزگى وزگەرىستەرگە جانە ەل دامۋىنىڭ قازىرگى تاريحي كەزەڭىندە رەفەرەندۋم وتكىزۋدىڭ ماڭىزدىلىعىنا ەگجەي-تەگجەيلى توقتالا كەتتى. سەنات توراعاسى قازاقستان رەفەرەندۋمدى ەلىمىزدىڭ زاڭناماسى مەن حالىقارالىق نورمالارعا سايكەس اشىق ءارى ايقىن تۇردە وتكىزۋگە نيەتتى ەكەنىن اتاپ ءوتتى.
كەزدەسۋ بارىسىندا قازاقستاننىڭ ەقىۇ-عا قوسىلعانىنا بيىل 30 جىل تولاتىنى اتاپ ءوتىلدى. تاراپتار وسىعان بايلانىستى سىندارلى ىنتىماقتاستىقتى, ونىڭ ىشىندە پارلامەنتتىك ولشەم اياسىندا ودان ءارى دامىتۋعا ىقىلاس ءبىلدىردى.
«ەقىۇ پارلامەنتتىك اسسامبلەياسى ەقىۇ-نىڭ بار كەڭىستىگىندە قاۋىپسىزدىك پەن ىنتىماقتاستىقتىڭ وزەكتى ماسەلەلەرىن شەشۋگە جاردەمدەسۋدە دەپۋتاتتاردىڭ بىرلەسكەن جۇمىسى ءۇشىن زور الەۋەتكە يە. قازاقستاندىق پارلامەنتشىلەر اسسامبلەيا سەسسيالارىنا تۇراقتى نەگىزدە قاتىسىپ كەلەدى. قازاقستان پارلامەنتىنىڭ سەناتى ەقىۇ جانە ەقىۇ پارلامەنتتىك اسسامبلەياسىمەن بەلسەندى ءارى سىندارلى ىنتىماقتاستىقتى جالعاستىرۋعا دايىن», دەدى ماۋلەن اشىمباەۆ.
كەزدەسۋ بارىسىندا قازاقستان مەن پولشا اراسىنداعى ەكىجاقتى ىنتىماقتاستىقتىڭ بىرقاتار وزەكتى ماسەلەلەرىن قوزعالدى. تاراپتار الداعى كەزەڭدە ەلدەر اراسىنداعى ءوزارا قارىم-قاتىناستاردىڭ نىعايۋىنا سەنىم ءبىلدىردى.
