الماتى قالالىق پوليتسيا دەپارتامەنتىنىڭ مالىمەتىنشە, 27 مامىر كۇنى المالى اۋداندىق پوليتسيا باسقارماسىنا 2005 جىلى تۋعان قىزدىڭ اناسى جۇگىندى. ونىڭ ايتۋىنشا, كامەلەتتىك جاسقا تولماعان قىزى 24 مامىر كۇنى ۇيدەن بەلگىسىز باعىتتا كەتىپ قالعان.
«ە. ەسىمدى قىزدىڭ قايدا جۇرگەنىن انىقتاۋ ماقساتىندا تەرگەۋ توبى قۇرىلىپ, ونىڭ جوعالىپ كەتۋىنە قاتىسى بار ادامداردى انىقتادى. ولار الماتى وبلىسىندا تۇراتىن 1992 جانە 2001 جىلى تۋعان ەكى ەر ادام بولىپ شىقتى. قىز ولارمەن جوعالىپ كەتكەن كۇنى كوشەدە تانىسقان», دەپ حابارلادى الماتى قالالىق پوليتسيا دەپارتامەنتىنىڭ ءباسپاسوز قىزمەتىنەن.
كۇدىكتىلەر 17 جاستاعى قىزدى ولتىرگەندەرىن مويىنداعان.
«قىلمىستىڭ ءىزىن جاسىرماق بولعان كۇدىكتىلەر قىزدىڭ دەنەسىن ورتەپ, قاپشاعاي سۋ قويماسىنا جاقىن جەرگە كومىپ تاستاعان. سوت-مەديتسينالىق ساراپتاما تاعايىندالدى», دەپ اتاپ ءوتتى دەپارتامەنتتەن.
اتالعان قىلمىستى ودان ءارى تەرگەۋدى اۋماقتىق پرينتسيپكە سايكەس الماتى وبلىسى بويىنشا پوليتسيا باسقارماسى جۇرگىزەدى.
