ءبىلىم • 02 ماۋسىم، 2022

الماتىلىق جاستار «BILIM ALL LIKE» زياتكەرلىك سايىسىنا قاتىستى

206 رەت كورسەتىلدى

جۋىردا «Bugin Association» قب ۇيىمداستىرۋىمەن تۇران ۋنيۆەرسيتەتىندە «BILIM ALL LIKE» ينتەلەكتۋالدى-زياتكەرلىك سايىسى ءوتتى، دەپ حابارلايدى Egemen.kz.

جوباعا الماتى قالاسىنىڭ تۇران ۋنيۆەرسيتەتى، ءال-فارابي اتىنداعى قازاق ۇلتتىق ۋنيۆەرسيتەتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، سۇلەيمان دەميرەل ۋنيۆەرسيتەتى،  قازاق ۇلتتىق قىزدار پەداگوگيكالىق ۋنيۆەرسيتەتى جانە باسقا دا ۋنيۆەرسيتەت ستۋدەنتتەرى قاتىستى.

سايىسقا قاتىسقان بارلىق كومانداعا سەرتيفيكاتتار مەن «Daryn books» جوباسىنىڭ «Daryn» كىتاپتارى تابىستالدى. سونىمەن قاتار جۇلدەلى ورىن العان قاتىسۋشىلار اقشالاي سىيلىقتارعا يە بولدى. 

وسىلايشا، ءال-فارابي اتىنداعى قازاق ۇلتتىق ۋنيۆەرسيتەتىنىڭ «الاش» توبى باس جۇلدەنى جەڭىپ، 50 000 تەڭگەگە يە بولدى. ال ەكىنشى ورىنعا تۇراقتاعان قازاق ۇلتتىق قىزدار پەداگوگيكالىق ۋنيۆەرسيتەتىنىڭ «عىلىم stars» توبى 30 000 تەڭگە ۇتىپ السا، ءۇشىنشى ورىندى يەلەنگەن الماتى تەحنولوگيالىق ۋنيۆەرسيتەتىنىڭ «عيبرات» توبى 15 000 الدى.

گ

سونداي-اق فينالدىق كەزەڭگە دەيىن وتكەن قازاق ۇلتتىق قىزدار پەداگوگيكالىق ۋنيۆەرسيتەتىنىڭ «تۇمار» توبىنا جانە قازاقستان-بريتان تەحنيكالىق ۋنيۆەرسيتەتىنىڭ «BasTimes» توبىنا ارنايى بايجان ادىلەت مىرزانىڭ قولداۋىمەن «Eleven» كاراوكەسىنە 10 000 تەڭگە اقشالاي سىيلىقتار بەرىلدى.

پ

سوڭعى جاڭالىقتار

ۇقساس جاڭالىقتار