قوردىڭ توراعاسى بولات جامىشەۆ ورتالىق كوممۋنيكاتسيالار قىزمەتىندە وسىنداي دەرەك كەلتىردى.
«قاڭتار وقيعاسىندا كەزدەيسوق زارداپ شەككەن بەيبىت تۇرعىندارعا «قازاقستان حالقىنا قورىنان» كومەك كورسەتۋ ماسەلەسى قۇزىرلى ورگانداردىڭ تەرگەۋ مالىمەتتەرىنە بايلانىستى. ويتكەنى ءبىز قوعامدىق قور بولعاندىقتان, كىمنىڭ كەزدەيسوق قۇربان ەكەنىن ايتا المايمىز. قامقورشىلار كەڭەسى كەزدەيسوق قايتىس بولعان بەيبىت قۇربانداردىڭ وتباسىلارىنا كومەكتەسەمىز دەگەن شەشىم قابىلداعان بولاتىن», دەپ ءتۇسىندىردى بولات جامىشەۆ.
ونىڭ ايتۋىنشا, قاڭتار تراگەدياسى كەزىندە قايتىس بولعانداردىڭ تۋىستارىنان, ازاماتتاردان, قوعامدىق ۇيىمداردان, ومبۋدسمەننەن وتىنىشتەر ءتۇسىپ جاتىر.
ء«بىز بۇل اقپاراتتىڭ ءبارىن قۇزىرلى ورگاندارعا جولداپ, جاۋابىن كۇتەمىز. العاشقى جاۋاپتى الدىق. 19 ادامنىڭ ءتىزىمى بولدى. مامىر ايىندا ودان باسقا ءتىزىم العان جوقپىز. مەن تەرگەۋ ارەكەتتەرى اياقتالۋىنا قاراي ونداي تىزىمدەردى تولىق الامىز دەپ توپشىلايمىن. قاڭتار وقيعاسىنا كىنالى دەپ تانىلعان ادام بولسا, ونىڭ وتباسىنا كومەك كورسەتپەيمىز. قامقورشىلار كەڭەسى وسىنداي شەشىم شىعارعان.
تەرگەۋ ارەكەتى اياقتالعاننان كەيىن قاڭتار ويعاسىنا كىناسى بار ەكەنى تۋرالى مالىمەت كەلمەگەن ادامدار ءبىز ءۇشىن بەيبىت قۇربان بولىپ ەسەپتەلەدى. ولارعا دا كومەك كورسەتەمىز. سوندا ءبارى تەرگەۋ ارەكەتتەرىمەن بايلانىستى. قازىر ءوتىنىش جولداپ جاتقانداردىڭ بارىنە وسىنى ءتۇسىندىرىپ وتىرمىز. ۇكىمەت قايتىس بولعانداردىڭ جالپى سانىن اتاعانىن بىلەسىزدەر. سولاردىڭ كوپشىلىگىنىڭ تۋىستارى ءوتىنىش جولدادى دەپ ايتۋعا بولادى», دەدى قوعامدىق قور توراعاسى.
ايانا توعانبەك
