«بۇل ۇيىم قۇرىلعان كەزدەن باستاپ قوعامدىق دامۋدىڭ كوش باسىندا بولدى. قانىش ساتباەۆ, مۇحتار اۋەزوۆ, ابىكەن بەكتۇروۆ, احمەت جۇبانوۆ, الكەي مارعۇلان, شاحماردان ەسەنوۆ, ومىرزاق سۇلتانعازين, مۇرات ايتقوجين, ءابدۋالي قايداروۆ جانە باسقا دا كوپتەگەن كورنەكتى تۇلعالاردىڭ ەسىمى قازاقستان تاريحىنا التىن ارىپپەن جازىلدى. ولاردىڭ ارقايسىسى ءوز سالاسىنىڭ اسقار شىڭىن باعىندىردى. قازبا بايلىعىمىزدى يگەرۋگە, ءوندىرىستى وركەندەتىپ, ەكونوميكانى دامىتۋعا, ەلدى رۋحاني جاڭعىرتۋعا ولشەۋسىز ۇلەس قوستى», دەدى پرەزيدەنت.
حالىقتىڭ ءبىرتۋار پەرزەنتتەرىنىڭ ەڭبەگى ءاردايىم ەستە بولاتىنىن, وسكەلەڭ ۇرپاق ولاردى ۇلگى-ونەگە تۇتاتىنىن ايتقان مەملەكەت باسشىسى مۇنىمەن توقمەيىلسۋگە بولمايتىنىن دا ەسكە سالدى.
«بۇگىندە جاس عالىمدارىمىز سول الىپتاردىڭ ءىزىن باسىپ, جولىن جالعاپ كەلەدى. دەگەنمەن, ءبىر ماسەلەنى قاپەردە ۇستاۋ كەرەك. ءومىر ءبىر ورىندا تۇرعان جوق. كۇن ساناپ وزگەرىپ جاتقان قازىرگى زاماندا بۇرىنعى جەتىستىكتەرگە مارقايىپ وتىرۋعا بولمايدى», دەدى قاسىم-جومارت توقاەۆ.
