NCOC كومپانياسىنىڭ ءباسپاسوز قىزمەتىنەن ءمالىم ەتكەندەي, بۇگىن 1 ماۋسىمنان باستاپ «قاشاعان» كەن ورنىنىڭ تەڭىز جانە قۇرلىق كەشەندەرىندەگى وندىرىستىك نىساندارى جۇمىسىن توقتاتادى.
«جوسپارلى الدىن الۋ ماقساتىنداعى جوندەۋ – ماڭىزدى ءىس-شارالاردىڭ ءبىرى. سول سەبەپتەن بىرنەشە جىلدا ءبىر رەت نورماتيۆتىك تالاپتارعا جانە وندىرىستىك قاجەتتىلىكتەرگە سايكەس جوندەۋ جۇمىستارىن جۇرگىزۋ ءۇشىن ءوندىرىستى قىسقا كەزەڭگە تولىق توقتاتۋ كوزدەلگەن. ماقسات – «قاشاعان» كەن ورنى وندىرىستىك نىساندارىنىڭ جوسپارلى الدىن الۋ ماقساتىنداعى جوندەۋ-ءوندىرۋ جۇيەسىنىڭ تۇتاستىعى مەن قاۋىپسىزدىگىن قامتاماسىز ەتۋ جونىندەگى شارالاردىڭ, قر نورماتيۆتىك قۇقىقتىق اكتىلەرىمەن بەلگىلەنگەن مىندەتتى ءىس-شارالار مەن ينسپەكتسيالاردىڭ جۇزەگە اسىرىلۋىن, سونىمەن قاتار ونىمدىلىكتى جانە ءوندىرۋ جۇيەسىنىڭ سەنىمدىلىگىن وڭتايلاندىرۋ مەن ودان ءارى ارتتىرۋعا ارنالعان جۇمىستار مەن جوبالاردىڭ ورىندالۋىن قامتاماسىز ەتۋ. كولەمى 2 ملن ادام-ساعاتتان اساتىن اۋقىمدى جۇمىستاردى 45 كۇن ىشىندە ورىنداۋ جوسپارلانىپ وتىر», دەپ حابارلادى كومپانيانىڭ ءباسپاسوز قىزمەتى.
«قاشاعان» – كاسپي تەڭىزىنىڭ قازاقستاندىق سەكتورىندا مۇناي وندىرىلەتىن العاشقى ەڭ ءىرى كەن ورنى. 2000 جىلى اشىلعان. مۇندا وندىرىلەتىن مۇناي قورى – بولجام بويىنشا 9-13 ملرد باررەل. «قاشاعاندا» كوممەرتسيالىق مۇناي ءوندىرۋ 2016 جىلعى كۇزدە باستالعان.
