ارداگەرلەر, ۇەۇ وكىلدەرى جانە جاستارمەن جۇزدەسۋىندە باقىتبەك سماعۇل باستى زاڭعا ەنگىزىلەتىن تۇزەتۋلەر حالىقتىڭ ءال-اۋقاتى مەن تۇرمىسىن جاقسارتىپ, بارلىق سالاعا وزگەرىس اكەلەتىنىن جەتكىزدى.
دەپۋتات گەننادي شيپوۆسكيحتىڭ اقتان باتىر, جانقوجا باتىر اۋىلدارىنىڭ تۇرعىندارىمەن, قازالى ۆاگون پايدالانۋ دەپوسى, لوكوموتيۆ جوندەۋ زاۋىتى ۇجىمدارىمەن, اۋدانداعى كولىك-تەحنيكالىق كوللەدجى قىزمەتكەرلەرىمەن كەزدەسۋدە رەفەرەندۋمنىڭ ماڭىزى جايلى ماعىنالى اڭگىمە ءوربىدى.
ال ءبىلىم جانە مادەنيەت سالاسىنىڭ قىزمەتكەرلەرىمەن كەزدەسكەن بالايىم كەسەباەۆا جۇزەگە اسىرىلاتىن رەفورما ەلدى دەموكراتيالاندىرۋعا جاسالىپ وتىرعان قادام ەكەنىنە توقتالىپ ءوتتى.
– 5 ماۋسىمدا وتەتىن رەفەرەندۋم تاريحي ءمانى زور, ەل ومىرىندەگى ماڭىزدى وقيعا. وعان قاتىسۋ جاڭا قازاقستاندى قۇرۋ باستاماسىنا قوسىلعان ۇلەس, – دەدى بالايىم تۋعانبايقىزى.
كەزدەسۋلەردە تۇرعىندار جالپىۇلتتىق رەفەرەندۋم وتكىزۋ باستاماسىن قولدايتىنىن جانە ساياسي جاڭعىرۋ ۇدەرىسىنەن تىس قالمايتىندىقتارىن جەتكىزدى.
قىزىلوردا وبلىسى
