حالىق قالاۋلىلارى جينالعان قاۋىم الدىندا رەفەرەندۋمنىڭ ءمان-ماڭىزىن ءتۇسىندىردى. «رەفەرەندۋم ءار قازاقستاندىققا جەكە تاڭداۋىن جاساۋعا مۇمكىندىك بەرەدى. ونىڭ نەگىزگى ءمانى – مەملەكەتتىڭ باستى قۇقىقتىق قۇجاتىن تۇرعىنداردىڭ وزدەرى قابىلدايتىندىعىندا. داۋىس بەرۋ ارقىلى حالىق ءوز بولاشاعىن ءوزى شەشەدى», دەدى عاني تاشقاراەۆ.
بەرىك بەكجانوۆتىڭ پىكىرىنشە, ادىلەتتى قازاقستانعا قادام بۇگىننەن باستالۋى كەرەك. ءار داۋىستىڭ ماڭىزى زور. سوندىقتان ەلىمىزدىڭ بارلىق تۇرعىنى ساياسي ناۋقانعا بەلسەنە قاتىسىپ, ءوزىنىڭ ازاماتتىق ۇستانىمىن بىلدىرۋگە ءتيىس.
دەپۋتاتتار ات باسىن بۇرعان بۇل مەكەمە ءتۇرلى ماركالى كارتون قاعازدار شىعارۋمەن اينالىسادى. جوباعا 1,5 ملرد تەڭگە كولەمىندە ينۆەستيتسيا تارتىلىپ, 50 جاڭا جۇمىس ورنى اشىلدى.
كاسىپورىن ءوز قىزمەتىندە تابيعي رەسۋرستاردى ءتيىمدى قولدانۋدى, قايتالاما شيكىزاتتى وڭدەۋ ارقىلى ءونىم وندىرۋدە زيانسىز حيميالىق كومپونەنتتەردى پايدالانۋدى باسشىلىققا الادى. جاقىن ارادا كومپانيا ءوز ونىمدەرىن تمد, قىتاي جانە شىعىس ەۋروپا ەلدەرىنە ەكسپورتتاۋدى جوسپارلاپ وتىر.
