اتالعان سايىسقا قارقارالى, جاڭاارقا, وساكاروۆ, بۇقار جىراۋ, اقتوعاي, شەت جانە نۇرا اۋداندارىنان جەتى كوماندا قاتىسىپ, ءوزارا شىن مىقتىنى انىقتادى. جالپى, جۇلدە قورى 1 ميلليون 200 مىڭ تەڭگەنى قۇراعان ءتول سپورتتىڭ ءدۇبىرلى دوداسىندا 100-گە جۋىق پالۋان باق سىنادى.
كوكپار چەمپيوناتىنىڭ اشىلۋ سالتاناتىندا وبلىستىق دەنە شىنىقتىرۋ جانە سپورت باسقارماسىنىڭ باسشىسى تەمىرحان ابىلاەۆ, سپورت قايراتكەرى ەردەن حاليلين ءسوز سويلەپ, جاس پالۋاندارعا ساتتىلىك تىلەدى.
ەكى كۇنگە سوزىلعان سايىس قورىتىندىسىندا شەت اۋدانىنىڭ كوكپارشىلارى توپ جاردى. ەكىنشى ورىن جاڭاارقا اۋدانىنىڭ كومانداسىنا بۇيىرسا, ءۇشىنشى جۇلدەنى بۇقار جىراۋ مەن نۇرا اۋداندارىنىڭ پالۋاندارى ءوزارا ءبولىستى. ال, چەمپيوناتتىڭ ۇزدىك شابۋىلشىسى بولىپ شەت اۋدانى كومانداسىنىڭ 18 جاستاعى پالۋانى تەمىرلان تىلەۋبەك تانىلدى.
جەڭىمپاز كوماندانى سوڭعى ءتورت جىل بويىندا جاتتىقتىرىپ كەلە جاتقان تالىمگەر جاسۇلان بوحانوۆ جاستار اراسىنداعى ۇلتتىق سپورتقا دەگەن قىزىعۋشىلىقتىڭ ارتىپ كەلە جاتقانىنا قۋانىشتى ەكەنىن ايتادى.
– كوماندا مۇشەلەرىن تاڭداۋ كەزىندە ءبىز ەڭ الدىمەن ەپتىلىك پەن باتىلدىققا ءمان بەرەمىز. سونداي-اق, پالۋان تەك اتقا وتىرىپ قانا قويماي, جىلقىنى سەزىنىپ, كوماندادا ويناي ءبىلۋى كەرەك. شاباندوزدار اراسىندا تولىق تۇسىنىك بولعانى ءجون. كوكپاردا كىمنىڭ «سالما» سالاتىنى ماڭىزدى ەمەس, ماسەلە جالپىكوماندالىق ەسەپتىڭ ناتيجەسىندە, – دەيدى شەت اۋدانى ۇجىمنىڭ جاتتىقتىرۋشىسى.
ۇلتتىق جانە ات سپورتى تۇرلەرى بويىنشا وبلىستىق «قايرات» سپورت مەكتەبىنىڭ ديرەكتورى نۇرجان شايحين بۇل چەمپيوناتتىڭ ءوڭىر قۇراما كومانداسىنا لايىقتى ۇزدىكتەردى ىرىكتەيتىن تۋرنيرگە جاتاتىن ايتادى.
– جارىس قورىتىندىسىندا ىرىكتەلگەن كوكپارشىلار كەلەسى جىلدىڭ ناۋرىز ايىندا وتەتىن ەل چەمپيوناتىندا ونەر كورسەتەتىن بولادى. جالپى, ءبىزدىڭ كوكپارشىلارىمىزدىڭ مۇمكىندىگى جوعارى جانە ولاردىڭ كەلەشەگى زور, – دەيدى ن.شايحين.
ايتا كەتۋ كەرەك, اتالعان كوكپار دوداسىنا قازاقتىڭ بەلگىلى كاسىپكەرى, مەتسەنات, ءNاtige ءسۇت فابريكاسىنىڭ باسشىسى ەرلان ءاشىم دەمەۋشىلىك ەتتى. ال ۇيىمداستىرۋشىلار بولسا, كوكپاردان وبلىس چەمپيوناتىن جىل سايىن پەتروۆكا اۋىلىندا وتكىزۋدى ۇيعارىپ وتىر.
قاراعاندى وبلىسى
