بۇل تۋرالى «Kazakh Tourism» اق ۇلتتىق كومپانياسىنىڭ باسقارۋشى ديرەكتورى دانيەل سەرجان ۇلى ايتتى.
«ەلدە ەندى عانا تۋريستىك ماۋسىم باستالدى. بيىل 6 ميلليوننان اسا قازاقستاندىق تۋريست ەل ىشىندە ساياحات جاسايدى دەگەن بولجام بار. بۇل سان ارتۋى دا مۇمكىن. ءبىز كورسەتىلەتىن قىزمەتتەردىڭ ساپاسىن ارتتىرىپ, تۋريستەرگە قاجەتتى جاعدايدى جاساعىمىز كەلەدى. اسىرەسە, جۇيەلى, ۇيىمداستىرىلعان ءتۋريزمدى دامىتۋ ماڭىزدى. شەتەلدىك تۋريستەردىڭ دە قالاۋىن ەسكەرگەن ءجون. ەلىمىزگە رەسەي مەن تمد ەلدەرىنەن قوناقتار ءجيى كەلەدى», دەدى دانيەل سەرجان ۇلى.
ونىڭ سوزىنشە, قازاقستان وتاندىق ءتۋريزمدى دامىتۋدا اراب ەلدەرىنىڭ تاجىريبەسىنە سۇيەنەدى.
«بيىل بىلتىرمەن سالىستىرعاندا رەسەيدەن كەلگەن تۋريستەر سانى جەتى ەسەگە ارتتى. بۇل كورسەتكىش تاعى ارتۋى مۇمكىن. سەبەبى بۇل كۇندەرى ومبىدا, نوۆوسيبيرسكىدە, ەكاتەرينبۋرگتا, سانكت-پەتەربۋرگ پەن ماسكەۋدە قازاقستاندىق ءتۋريزمنىڭ تانىستىرىلۋى ءوتىپ جاتىر. قازىردىڭ وزىندە كورشى ەلدەن شوپ-تۋرمەن كەلۋدە», دەدى سپيكەر.
ايانا توعانبەك
