قازاقستان تاجىريبەسى قىزىعۋشىلىق تۋعىزدى

17-18 مامىردا ريمدە (يتاليا) “موراتوريدەن ءولىم جازاسىن جويۋعا دەيىن. ءتىر­شىلىكسىز سوت تورەلىگى بولمايدى” دەگەن تاقىرىپتا ادىلەت مينيسترلەرىنىڭ حالىق­ارالىق 5-ءشى كەزدەسۋى بولىپ ءوتتى. كەزدەسۋ بارىسىندا ءولىم جازاسىنا موراتوري جاريالاۋ, ءولىم جازاسىنا با­لا­مالى جازالاۋ تۇرلەرىن قولدانۋ ءما­سە­لە­لەرى جانە قىلمىستىق-قۇقىقتىق سانك­تسيا­لاردى ىزگىلەندىرۋدىڭ وزگە دە قىرلارى تالقىلاندى. قازاقستان رەسپۋبليكاسىنىڭ ادىلەت ءمينيسترى راشيد تۇسىپبەكوۆ ءوز سوزىندە قازاقستان تاۋەلسىزدىك العان ساتتەن باستاپ مەملەكەتتىك ساياساتتىڭ باستى نەگىزى ادامنىڭ قۇقىعى مەن بوس­تان­دىقتارى بو­لىپ تابىلاتىن دەمو­كرا­تيالىق, زا­يىر­لى جانە قۇقىقتىق مەملەكەت قۇرۋ جولىن تاڭداعانىن اتاپ ءوتتى. ر.تۇسىپبەكوۆ فو­رۋم­عا قاتى­سۋ­شىلارعا قازاقستاننىڭ ءولىم جا­زاسىن جويۋ بويىنشا قابىلداعان شا­رالارى مەن مەملەكەتتىڭ قۇقىقتىق سايا­ساتىنىڭ نەگىزگى باعىتتارى تۋرالى اق­پارات بەردى. سونىڭ ىشىندە, ەلدە قازاقستان پرە­زي­دەن­تىنىڭ جارلىعىمەن 2003 جىلى ءولىم جازاسىنا تولىق باس تار­تىل­عانعا دەيىن موراتوري جاريا­لانعانىن ايتىپ ءوتتى. قازاقستان رەسپۋبليكاسىنىڭ كونس­تي­تۋتسياسىنا 2007 جىلى اسا اۋىر جازا كوز­دەلۋى مۇمكىن قىلمىستىق ءىس-ارە­كەت­تەردىڭ تىزبەسىن ەداۋىر قىسقارتۋ بو­يىنشا ەن­گىزىلگەن وزگەرىستەر تۋرالى اقپارات كەز­دەسۋگە قاتىسۋشىلاردىڭ قىزىعۋشىلىعىن تۋعىزدى. بۇل وزگەرىسكە سايكەس مۇنداي قىلمىستارعا ادام­داردىڭ قازا بولۋىمەن بايلانىستى تەررورلىق قىلمىستار, سونداي-اق سوعىس ۋاقىتىندا جاسالعان ەرەكشە اۋىر قىلمىستار جاتادى جانە جازاعا كە­سىلگەن ادامنىڭ كەشىرىم جاساۋ تۋرالى ءوتىنىش ەتۋ حاقى بار. سونىمەن قاتار, ر.تۇسىپبەكوۆ قاز­اقستان رەسپۋبليكاسى پرەزيدەنتىنىڭ 2009 جىلعى 24 تامىزداعى جارلىعىمەن بە­كى­تىلگەن قازاق­ستان رەسپۋبليكاسىنىڭ 2010 جىل­دان 2020 جىلعا دەيىنگى كەزەڭگە ار­نالعان قۇقىقتىق ساياسات تۇجى­رىم­دا­ماسىنىڭ ەرەجەلەرىن ىسكە اسىرۋ اياسىندا قىلمىستىق-اتقارۋ جۇيەسىن جە­تىلدىرۋ مەن دامىتۋدىڭ پەرس­پەكتيۆالارى تۋرالى اقپارات بەردى, دەپ حابارلادى ادىلەت مينيسترلىگىنىڭ ءباسپاسوز قىزمەتى.