تسيفرلاندىرۋ ءوفيسى IT مامانداردى بىرىكتىرەدى

اتالعان وفيس كونسۋلتاتيۆتىك-كە­ڭەسشى ورگان رەتىندە قالا تۇرعىن­دا­رىنىڭ يگىلىگى ءۇشىن جۇزەگە اسىراتىن جوبالاردا كاسىپكەرلىك پەن ءبىلىم بەرۋدى دامىتۋدى قولداۋ ساياساتىن جۇ­زەگە اسىرۋدا.

تسيفرلاندىرۋ باسقارماسىنىڭ باسشىسى بايان قوڭىرباەۆ وسى باعىتتاعى قول جەتكەن ناتيجەلەرگە توقتالىپ، ماڭىزدى باستامالار رەتىندە NBK Data Factory جوباسىن اتاپ ءوتتى. بۇل جوبا ەكونوميكالىق تالداۋدا اسا ما­ڭىز­دى ءارى ۆيزۋاليزاتسيا، ناۆيگاتسيا ارقىلى گيبريدتى قويمادا ساقتالاتىن دەرەكتەردى ستاتيستيكالىق تالداۋعا مۇمكىندىك بەرەدى. سونىمەن قاتار جەر قاتىناستارى باسقارماسىنىڭ فۋنكتسيالارىن اۆتوماتتاندىرۋعا ار­نالعان گەواقپاراتتىق جۇيەلەر مەن دە­رەكتەر بازاسىن دامىتۋ، جەردى ءتيىم­دى پايدالانۋعا جانە جاڭا بيزنەس-باستا­مالاردى ىسكە اسىرۋعا ارنالعان قۇرالدار كەشەنى سياقتى باعىتتارعا كوڭىل بولە وتىرىپ، قالانى دامىتۋ باعىتتارىن قامتيدى. تسيفرلاندىرۋ ءوفيسىنىڭ بازاسىندا بىلتىردان باستاپ بىرىڭعاي كوممۋنيكاتسيالىق كەڭىس­تىك­تە بارلىق جوعارى وقۋ ورىندارىن، IT-تالانتتار، IT-كومپانيالاردى بىرىك­تى­رەتىن پلاتفورما جۇمىس ىستەپ كەلەدى.

بايان قوڭىرباەۆتىڭ ايتۋىنشا، بيىلعى ءساۋىر ايىندا اتالعان پلات­فورمادا 2 150 IT-تالانت، 23 IT-كوم­پانيا، بيزنەس سالاسىنان 23 بوس جۇمىس ورنى، 53 ءبىلىم بەرۋ كۋرسى تىر­كەلگەن. تسيفرلاندىرۋ كەڭسە­سى قا­لانى دامىتۋ جۇمىستارىنا ستۋ­دەنتتەردى تارتۋ باعدارلاماسى بو­­يىن­شا جوعارى وقۋ ورىندارىمەن اۋقىم­دى ىقپالداستىقتى دامىتۋعا كۇش سالۋدا. بيىل قازاقستان-بري­تان تەحنيكالىق ۋنيۆەرسيتەتىندە تسيفرلان­­دىرۋ باسقارماسىمەن جانە IGLUS حالىقارالىق شۆەيتساريالىق ۇيىم­مەن بىرلەسىپ، Smart city lab زەرتحاناسى اشىلدى. زەرتحانانىڭ ماقساتى – قالالىق جۇيەلەردىڭ تيىم­دى­لىگىن ولشەۋ، ينفراقۇرىلىمدى دامىتۋ جانە Smart City جانە Smart Systems ماگيستراتۋراسىنىڭ ءبىلىم بەرۋ باع­دار­لامالارى بويىنشا كادر­لار دايارلاۋ. وسى ورايدا قبتۋ بازاسىندا تسيفرلاندىرۋ باسقارماسىنىڭ بولىمشەسىن اشۋ جوسپارلانۋدا. بۇل IT سالاداعى ماگيسترانتتار جانە دوك­تورانتتارمەن بىرلەسكەن جوبالار ازىر­لەۋگە مۇمكىندىك بەرەدى.

وفيس جۇمىسى اياسىندا AlmaU ۋربانيستيكا ورتالىعىنىڭ ستۋدەنتتەرى مەن الماتى قالاسىنىڭ تسيفرلاندىرۋ باسقارماسى Frontier.kz كومپانيا­سى­مەن بىرلەسىپ، جاياۋ جۇرگىنشىلەر كە­­دەر­­گىلەرىن، اۋدان­­داردىڭ­ كوم­­مەرتسيالىق سىيىمدىلىعىن، قو­عام­­دىق كولىكتىڭ قولجەتىمدىلىگىن انىق­­تاپ، اۋداندارداعى قۇرىلىس با­رى­سىنا تالداۋ جاسادى. ال IT كەڭەس پەن ازيا دامۋ بانكى بىرلەسىپ، حا­لىق­ارالىق اقپاراتتىق تەحنولوگيا­لار ۋنيۆەرسيتەتىمەن ىقپالداستىق ماسەلەسىنە كوڭىل ءبولىپ وتىر.

پرەزيدەنتتىڭ 100 مىڭ بىلىكتى IT-ماماندارىن دايارلاۋ جونىندەگى تاپسىرماسىن جۇزەگە اسىرۋعا بايلانىس­تى قالا اكىمدىگى مەن تسيفرلاندىرۋ باس­قارماسىن ماماندارمەن قام­تا­ما­سىز ەتۋ ماقساتىندا Business analysis ماگيستراتۋراسىنىڭ موديفيكاتسياسىنا دا ءمان بەرىلۋدە. وسى ورايدا digital urban planner، digital officer جانە قولدانبالى تاپسىرمالاردى شەشەتىن امبەباپ اناليتيك، Open Almaty دامىتۋ تۇجىرىمداماسىن جەتىلدىرۋ، وتىنىشتەردى جەدەل وڭدەۋ ماقساتىندا اپپاراتتىق-باعدارلامالىق كەشەندى اۆتوماتتاندىرۋ سالالارى دا باسىم باعىتتار رەتىندە قاراستىرىلۋدا.

الماتى