ەلوردا • 29 مامىر، 2022

ەلوردادا 500 ادام ۆەلوشەرۋگە قاتىستى

18 رەت كورسەتىلدى

ەلوردادا ۆەلوماۋسىمنىڭ اشىلۋىنا جانە بالالار جىلىنا وراي جاپپاي بۇقارالىق ۆەلوشەرۋ ءوتتى. وعان قاتىسۋشىلار ەكى قاشىقتىقتى باعىندىردى، دەپ حابارلايدىEgemen.kz قالا اكىمدىگىنە سىلتەمە جاساپ.



الدىمەن ۆەلوشەرۋگە قاتىسۋشىلار 20 شاقىرىمدىق ۇلكەن قاشىقتىقتىقتان باستادى. ۇلكەن قاشىقتىقتىڭ باسى ەلوردا ماڭىنداعى قوسشى ەلدى مەكەنىندەگى اينالما ۆەلوجولدان باستالىپ، ۇركەر (يلينكا) ەلدى مەكەنىنىڭ «جاسىل بەلدەۋ» ساياباعىندا مارەگە جەتتى. ال 3 شاقىرىمدى باعىندىرۋعا كەلگەن قالا تۇرعىندارى ۇلكەن قاشىقتىقتى ءجۇرىپ وتكەن قاتىسۋشىلاردى مارەدەن كۇتىپ الدى. ارمەن قاراي كىشى قاشىقتىقتىڭ قاتىسۋشىلارى ۇركەر (يلينكا) ەلدى مەكەنىنىڭ «جاسىل بەلدەۋ» ساياباعىندا باستاپ، سول جەردەن مارەنى اياقتادى.

«پرەزيدەنتىمىز قاسىم-جومارت توقاەۆتىڭ جولداۋىن جۇزەگە اسىرۋ ماقساتىندا قالامىزدا بىرنەشە ءىرى جارىس ءوتىپ جاتىر. سونىڭ بىرەگەيى – بۇگىنگى قالا تۇرعىندارى مەن قوناقتارى اراسىندا ۇيىمداستىرىلعان بۇقارالىق ۆەلوشەرۋ. بۇگىنگى ۆەلوشەرۋ جاستاردى سپورتقا باۋلۋعا جانە سالاۋاتتى ءومىر سالتىن ناسيحاتتاۋعا كومەكتەسەدى دەپ سەنەمىن!»، دەدى قالالىق دەنە شىنىقتىرۋ جانە سپورت باسقارما باسشىسىنىڭ ورىنباسارى الماس ەمەلتاي ۇلى .

سپورتتىق شەرۋگە 500-گە جۋىق ەلوردالىق قاتىسىپ، ءىس-شارانىڭ كوركىن قىزدىردى.



 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار