وقيعا • 29 مامىر، 2022

اقتاۋدا ەكى ەسىرتكى زەرتحاناسى انىقتالدى

22 رەت كورسەتىلدى

اقتاۋدا ەكى ماريحۋانا زەرتحاناسى انىقتالدى. بۇل تۋرالى ماڭعىستاۋ وبلىستىق پد ءباسپاسوز قىزمەتى ءمالىم ەتتى، دەپ حابارلايدى Egemen.kz.

ماڭعىستاۋ وبلىستىق پوليتسيا دەپارتامەنتىنىڭ ەسىرتكى بيزنەسىنە قارسى كۇرەس باسقارماسىنىڭ قىزمەتكەرلەرى جەدەل ىزدەستىرۋ شاراسى كەزىندە ماريحۋانا وسىرەتىن 2 فيتوزەرتحانانى انىقتادى.

«العاشقى فاكت بويىنشا بۇرىن ءىستى بولعان 38 جاستاعى ەر ادام ۇستالدى. ونىڭ ۇيىنەن 8 گۇل وسىرۋگە ارنالعان قۇمىرادا ءوسىپ تۇرعان ماريحۋانا جانە ەسىرتكى دايىندايتىن ءارتۇرلى تۇقىمداس 9 قۇمىرا تابىلدى»، دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.

پوليتسيا دەپارتامەنتىنىڭ حابارلاماسىندا ايتىلعانداي، ەكىنشى ەسىرتكى زەرتحاناسى اقتاۋ قالاسىنداعى شاعىن اۋدانداردىڭ بىرىندەگى تۇرعىن ءۇيدىڭ ەكىنشى قاباتىندا انىقتالعان.

«ەسىرتكى زەرتحاناسىنىڭ يەسى 29 جاستاعى ەر ادام بولىپ شىقتى. پوليتسەيلەر تۇرعىننان 13 ماريحۋانا بۇتاسىن جانە ەسىرتكى وسىمدىكتەرىن وسىرۋگە ارنالعان مينەرالدى تىڭايتقىشتار سالىنعان ىدىستاردى تاركىلەدى»، دەيدى ۆەدومستۆودان.

قازىر اتالعان فاكتىلەر بويىنشا تەرگەپ-تەكسەرۋ امالدارى ءجۇرىپ جاتىر.«قر قىلمىستىق كودەكسىنىڭ 300-بابىنىڭ ءبىرىنشى تارماعىنا سايكەس «قۇرامىندا ەسىرتكى بار وسىمدىكتەردى زاڭسىز ءوسىرۋ» بويىنشا سوتقا دەيىنگى تەرگەۋ باستالدى. ۇستالعاندارعا قاتىستى باس بوستاندىعىنان ايىرۋمەن بايلانىستى ەمەس بۇلتارتپاۋ شاراسى تاڭدالدى»، دەلىنگەن حابارلامادا.

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار