ايماقتار • 29 مامىر، 2022

ستەپنوگورسكتە ءيىسشىل يت ۇيگە جاسىرىلعان ەسىرتكىنى تاپتى

50 رەت كورسەتىلدى

ستەپنوگورسك قالاسىندا ءيىسشىل ءيتتىڭ كومەگىمەن ۇيگە جاسىرىلعان ەسىرتكى تابىلدى. بۇل تۋرالى ۇلتتىق ۇلاننىڭ ءباسپاسوز قىزمەتى ءمالىم ەتتى، دەپ حابارلايدى Egemen.kz.

رەسمي مالىمەتكە سۇيەنسەك، وقيعا 27 مامىر كۇنى اقمولا وبلىسىنا قاراستى ستەپنوگورسك قالاسىندا بولدى. قالالىق پوليتسيا باسقارماسىنان 3517-اسكەري بولىمىنە ەسىرتكى زاتىن تابۋعا كومەك سۇراعان ءوتىنىش كەلىپ تۇسكەن. قالا ماڭىنداعى جەكە ۇيلەردىڭ بىرىندە ەسىرتكى جاسىرىلعان دەگەن جەدەل اقپاراتقا سايكەس اسكەري بولىمنەن كينولوگ مامان، ەفرەيتور عالىمجان وتەپبەرگەنوۆ «ميراندا» لاقاپ اتى بار ءيىسشىل يتىمەن اتتانادى. ءۇيدى ءتىنتۋ بارىسىندا «ميراندا» بولمەلەردىڭ بىرىندە ەسىرتكى جاسىرىلعان جەردى بەلگىمەن بىلدىرەدى. ناتيجەسىندە قىزمەتتىك يت كورسەتكەن جەردەن جاسىل ءتۇستى 6 پاكەت تابىلدى. ۇستالعان ءۇي يەسى ودان ءارى ءمان-جايدى انىقتاۋ ءۇشىن قالالىق پوليتسيا باسقارماسىنا جەتكىزىلدى.

«ميراندا» – ەسىتكى زاتىن تابۋعا ۇيرەتىلگەن قىزمەتتىك يت. مىنەزى جاقسى، وعان ويناعان جاعادى. ءتىپتى بۇل قىزمەتىن ويىن رەتىندە كورەدى. وسىعان دەيىن دە ول الدەنەشە رەت ەسىرتكى تاپقان. بولاشاقتا يىسشىلدىگىنەن جاڭىلمايتىنىنا سەنىمدىمىن»، دەيدى ەفرەيتور عالىمجان وتەپبەرگەنوۆ.

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار