ونەر • 28 مامىر، 2022

مادەنيەت قىزمەتكەرلەرى ماراپاتتالدى

39 رەت كورسەتىلدى

الماتى قالاسىندا 50-گە جۋىق مادەنيەت قىزمەتكەرى «قازاقستاننىڭ ەڭبەك سىڭىرگەن قايراتكەرى» اتاعىن الدى، دەپ حابارلايدى Egemen.kz.

بۇل تۋرالى مادەنيەت جانە سپورت ءمينيسترى داۋرەن اباەۆ الەۋمەتتىك جەلىدەگى پاراقشاسىندا مالىمدەدى. ول بۇگىن وڭتۇستىكتە «ۇلت رۋحى – ۇرپاق مۇراتى» اتتى قازاقستاننىڭ ءى مادەنيەت فورۋمى وتكەنىن اتاپ وتكەن. ەلىمىزدىڭ بارلىق وڭىرىنەن كەلگەن سالا وكىلدەرىنىڭ، زيالى قاۋىمنىڭ باسىن قوسقان ءىس-شارا مادەنيەت پەن ونەر توڭىرەگىندەگى كوپتەگەن تۇيتكىلدى ماسەلەنى ورتاعا سالدى.

«وزەكتى تاقىرىپتاردى باتىل كوتەرىپ، بولاشاق رۋحاني باعىت-باعدارىمىزدى اشىق تالقىلاعان سپيكەرلەرگە ەرەكشە العىس ايتامىن. فورۋم اياسىندا پرەزيدەنتىمىزدىڭ جارلىعىمەن بەكىتىلگەن 50-گە جۋىق ارىپتەسىمىزگە «قازاقستاننىڭ ەڭبەك سىڭىرگەن قايراتكەرى» اتاعىن سالتاناتتى تۇردە تابىستادىق. اتالعان ماراپات سالاعا بار سانالى عۇمىرلارىن ارناعان ناعىز مادەنيەت مايتالماندارىنا بەرىلدى»، دەپ جازدى ۆەدومستۆو باسشىسى داۋرەن اسكەربەك ۇلى.

فورۋم ارى قاراي مينيسترلىكتىڭ الماتى قالاسى اكىمدىگىمەن بىرلەسىپ ۇيىمداستىرعان اشىق اسپان استىنداعى تۇڭعىش كىتاپ جارمەڭكەسىمەن جالعاستى.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار